Sport
Shaqiri, në biseda sekrete me Bajernin?
Shaqiri thuhet të ketë qenë së fundi në Munih, ku ka pasur takim sekret me shefin sportiv të Bajernit, Christian Nerlinger
Gazeta „Blick” në publikimin e saj të sotëm online shkruan lidhur me kalimin e mundshëm të Xherdan Shaqirit në FC Bayern. Sipas kësaj gazete, me lojën e tij të shkëlqyeshme kundër Bajernit në shtator të këtij viti, Shaqiri ka ngjallur interesimin e madh të trajnerit të skuadrës së madhe gjermane, Louis Van Gaal.
Ai kishte bërë me atë rast një deklaratë mjaft kuptimplotë i pyetur rreth lojës së Shaqirit: “nëse unë them ndonjë gjë lidhur me lojën e tij, kjo kuptohet menjëherë sikur ne kemi interesim për të. Për këtë arsye do të jetë më mirë nëse hesht”.
Blick citon gazetën “sport.ch” sipas të cilës Xherdan Shaqiri ka udhëtuar së fundi për në Munih, ku ka pasur një takim sekret me shefin sportiv të Bajernit, Christian Nerlinger. Mbetet e hapur nëse ata kanë biseduar për detajet e ndonjë kontrate eventuale.
Sidoqoftë, shuma për të cilën Xherdan Shaqiri mund të linte FC Baselin (me të cilin e lidh kontrata deri në vitin 2014) mund të jetë në mes 10 dhe 15 milion franga, shkruan blick online. Përveç FC Bayern, për Shaqirin kanë shprehur interesim edhe klubet e mëdha si Tottenham, Dortmund, Liverpool dhe Juventus.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit