Sport
Shkëndija shkruan histori, kalon tutje
Shkëndija e Tetovës edhe një herë ka bërë krenarë të gjithë shqiptarët, duke u kualifikuar tutje në Ligën e Evropës
Tetovarët kanë arritur të shënojnë fitore të madhe në shtëpi përballë skuadrës kazake Neftci Baku me rezultat 1:0. Pasi ndeshja e parë në Kazakistan ka përfunduar në barazim 0:0, kuqezinjtë kanë bërë gjithçka mirë duke shënuar fitore që i ka kualifikuar për në raundin e tretë, shkruan albinfo.ch.
Ishte sulmuesi Besar Ibrahimi që ka shënuar golin e vetëm në ndeshje në minutën e 31-të pas një asistimi nga mesfushori Radeski. Pas kalimit të raundit të dytë, Shkëndijën do ta presë një punë e vështirë në raundin e tretë pasi do të përballet me skuadrën çeke Mlada Boleslav. Shkëndija është skuadra e vetme shqiptare në Ligën e Evropës, pasi Kukësi u eliminua nga Austria e Vjenës.
Besar Ibrahimi ishte padyshim i lumtur që i ka vënë vulën këtij suksesi historik. “Normalisht mundeshim të shënonim më shumë, por edhe me këtë fitore bëmë historinë. Desha të falënderoj familjen, klubin, ballistët, shqiptarët kudo që janë për përkrahjen që na japin dhe ta shijojmë së bashku”, ka thënë ai pas ndeshjes.
Kapitenit dhe simbolit të skuadrës, Ferhan “Buba” Hasani i është dashur të sakrifikojë për të qenë në fushë në të dy ndeshjet, por në fund ia ka vlejtur, pasi ka festuar me ‘Ballistët’ kualifikimin në stadiumin e rivalëve të Vardarit. Mesazhi i kapitenit është pikërisht për ta. “Nuk kemi bërë shumë plane se deri ku mund të shkojmë, kemi menduar ndeshje pas ndeshje dhe ka funksionuar pozitivisht. Duhet të mendosh për ndeshjen e radhës. Dua të falënderoj gjithë tifozët që kishin ardhur prej Tetovë. Ky nuk është stadiumi ynë, por ata na bënë të ndihemi në shtëpi”, theksoi ai.
E-Diaspora
-
Më 7 prill, edicioni i tretë i panairit të librit shqip në SHBA Në datën 7 prill 2024, Shoqata e Shkrimtarëve Shqiptaro-Amerikanë do të hapë edicionin e tretë...
-
‘Vallja kosovare’ jehon në Universitetin e Gjenevës (Video)
-
Iu gjet drogë në shtëpi, arrestohet shqiptari në këtë shtet
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave
-
Blick: Shaqiri dëshmon sërish pse Zvicra nuk mundet pa të
Jeta në Zvicër
-
Trafiku i dendur edhe sot, bllokohen autostradat zvicerane Ngarkesat në komunikacion vazhdojnë edhe të premten në Zvicër gjatë festave të Pashkëve, përcjell albinfo.ch. Bllokimi...
-
‘Vallja kosovare’ jehon në Universitetin e Gjenevës (Video)
-
Iniciativat zvicerane synojnë t’i japin fund diskriminimit të çifteve të martuara
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar