Dimri në Kosovë, si në përralla

Shqipëria dhe Maqedonia, me ofertat turistike më të lira në Evropë

Shërbimet hoteliere dhe ato të restoranteve për të cilat në Austri duhet të paguash 100 euro, në Shqipëri dhe në Maqedoni kushtojnë 37.9 euro

Peizazhe përrallore dhe megjithatë çmime (ende) minimale. Sipas analizës së bërë nga fondacioni austriak Hans Böckler, Shqipëria dhe Maqedonia janë dy vendet që aktualisht ofrohen me çmimet më të volitshme në Evropë për turistët, shkruan heute.at.

Konkretisht, shërbimet hoteliere dhe ato të restoranteve për të cilat në Austri duhet të paguash 100 euro, në Shqipëri dhe në Maqedoni kushtojnë 37.9 euro, transmeton albinfo.ch. Po ashtu në këtë kategori hyjnë edhe disa vende të tjera ballkanike si Bullgaria, Serbia dhe Rumania, ku për shërbimet e njëjta duhen paguar nga 39.4 deri në 46.1 euro.

Nga ana tjetër dukshëm më shtrenjtë se në Austri kushton oferta e ngjashme në vendet më të shtrenjta evropiane. Kështu, në Islandë duhet paguar 163 euro ndërsa në Norvegji 153 dhe në Zvicër 148 euro, gjithnjë për shërbime të ngjashme në hotele dhe në restorante.

Gjermania, Britania e Madhe, Franca dhe Italia me çmimet në mes 90 dhe 97 euro bëjnë pjesë në mesataren evropiane, përcjell albinfo.ch. Në këto vende mund të kalohet pak më lirë se në Austri dhe shumë më lirë se në Zvicër, Norvegji dhe Islandë. Por, sigurisht, dukshëm më shtrenjtë se në Shqipëri, Maqedoni e Bullgari.

KUJDES ! TEKSTI YNË I KOPJUAR DO TË DENONCOHET DHE RAPORTOHET. PËRPOS NËSE...

Ju keni të drejtë ta riprodhoni tekstin tonë, por me kusht që ta citoni burimin e albinfo.ch dhe kur ta publikoni shkrimin, ta integroni linkun e artikullit siç vijon: http://www.albinfo.ch/shqiperia-dhe-maqedonia-me-ofertat-turistike-me-te-lira-ne-evrope/

Në të kundërtën, ne do të raportojmë pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin. Redaksia e albinfo.ch.