Sport

Shqipëria pëson pas shumë polemikave

Gjyqtari i ndeshjes ka dhënë dy kartonë të kuq për futbollistët kuqezi, si dhe dy penallti për mysafirët, që më pas e kishin shumë më lehtë të fitonin

Kombëtarja shqiptare ka pësuar nga Izraeli në shtëpi me rezultat 3:0, në një ndeshje ku kishte shumë polemika, shkruan albinfo.ch.

Gjyqtari i ndeshjes ka dhënë dy kartonë të kuq për futbollistët kuqezi, si dhe dy penallti për mysafirët, që më pas e kishin shumë më lehtë të fitonin. Goli i parë i Izraelit erdhi në minutën e 18-të kur Zahavi shënon nga pika e bardhë, derisa një minutë më herët, Berat Gjimishti u ndëshkua me karton të kuq.

Edhe pse me një lojtar më pak, kuqezinjtë kishin disa raste shënimi, por pa arritur të shënojnë. Në minutën e 55-të edhe Etrit Berisha ndëshkohet me karton të kuq, kurse goditjen e Zahavit e ndali portieri Alban Hoxha.

Por, goli i dytë i mysafirëve nuk vonoi edhe pse me shumë fat. Einbinder shënoi në minutën e 66-të. Golin e fundit e shënoi Atar në minutën e 84-t.