Lajme

Shqipëria, pjesë e itinerareve turistike të MSC Cruise

Një ndër kompanitë më të mëdha në botë e krocierave, MSC, ka vendosur të përfshijë më në fund edhe Shqipërinë në destinacionet e saj turistike.

Bëhet fjalë për kompaninë e parë globale që përfshin në itineraret e saj Shqipërinë, transmeton albinfo.ch.

Mediat në Tiranë citojnë zëdhënësen e kësaj linje lundrimi, e cila ka thënë se duke nisur nga muaji prill i vitit 2017, MSC Cruises përfshin Sarandën në paketat e saj të udhëtimeve njëjavore.
Do të jetë krociera MSC Poesia, e cila do të niset nga Venecia dhe do të ketë 7 destinacione në shtatë ditë, mes tyre Barin në Itali, Katakolon në portin antik të Olimpit dhe Mikonos në Greqi, Dubrovniku në Kroaci dhe Saranda në Shqipëri.

Në Sarandë, krociera do të qëndrojë 8 orë, duke nisur nga mesdita.

Siç raporton Agjencia Telegrafike Shqiptare, destinacionet turistike mjaft tërheqëse të Sarandës, si Syri i Kaltër apo parku i Butrintit, duket se kanë qenë një shtysë e mirë për MSC që të marrë këtë vendim.

KUJDES ! TEKSTI YNË I KOPJUAR DO TË DENONCOHET DHE RAPORTOHET. PËRPOS NËSE...

Ju keni të drejtë ta riprodhoni tekstin tonë, por me kusht që ta citoni burimin e albinfo.ch dhe kur ta publikoni shkrimin, ta integroni linkun e artikullit siç vijon: http://www.albinfo.ch/shqiperia-pjese-e-itinerareve-turistike-te-msc-cruise/

Në të kundërtën, ne do të raportojmë pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin. Redaksia e albinfo.ch.