Shqipëria

Shqipëria vazhdon të ‘tkurret’

Sipas Listës së të Dhënave të Byrosë Botërore të Popullsisë 2017, numri i popullsisë në Shqipëri nga mesatarisht 2.9 milionë do të ulet në 2.6 milionë në 2050.

Harta tregon se Shqipëria ndodhet në mesin e shteteve që do të pësojnë tkurrje të popullsisë së tyre, por të lehtë.

Në rajon, tkurrjen më të madhe do ta ketë Bosnja dhe Hercegovina, ndërsa mbipopullimi shihet në SHBA, Rusi, disa vende të Amerikës Latine dhe Afrikane, shkruan ‘monitor’.

Sipas të dhënave të tjera të ofruara për Shqipërinë, theksohet se popullsia e moshës nën 15 vjeçe ka pësuar rritje me 18 %, ndërsa ajo mbi 65, rritje me 13 %, përcjell albinfo.ch.

Jetëgjatësia e shqiptarëve është 77 vjeç sipas raportit, ndërsa kemi 11 lindje për 1000 banorë, përcjell albinfo.ch.

Gjatë vitit 2016, sipas Instat kanë lindur rreth 32 mijë foshnje, ndërsa kanë vdekur rreth 21 mijë persona.