Integrimi
Shqiptarët e Sirisë në rrugën e kthimit drejt Evropës
Dhe ja tash ku kanë zbarkuar dy pasardhës të ish emigrantëve shqiptarë të Sirisë në Gjevgjeli, në kufirin Greqi-Maqedoni ku presin për të bërë vazhdimin e rrugës, një kthim në Evropë”.
Në një fotoreportazh të shkruar nga kufiri në mes Greqisë e Maqedonisë, gazeta austriake “Der Standard” ua sjell lexuesve të vet atmosferën e zymtë që po mbretëron atje në mesin e refugjatëve sirianë të ngujuar, në rrugën e tyre për në Evropë.
Teksti interesant i gazetares Adelheid Wölfl fillon me një sekuencë që është interesante sidomos për lexuesit shqiptarë. Është një rrëfim i bukur dhe prekës për rrugën e shqiptarëve të Sirisë drejt Evropës – kësaj radhe me turmat e refugjatëve – ose kthimin e tyre në Evropë, prej nga para 100 vitesh ishin larguar stërgjyshërit e tyre, duke u shpërngulur në Damask të Sirisë.
Albinfo.ch përcjell fragmente nga ky artikull.
“Mbrapa rrotave me tela me gjemba, në anën greke të kufirit qëndrojnë dy të rinj bjondë që bien në sy me gropëzat e faqeve shumë të ngjashme. Janë vëllezër. Njëri prej tyre mban në duar një kapele të thurur, të bardhë, me një lule ngjyrë rozë në mes.
E kush jeni ju?
“Ne jemi shqiptarë”, thotë ai. A keni pasaporta shqiptare?, është pyetja e gazetares. “Po të kishim pasaportat shqiptare ne nuk do të rrinim këtu mbrapa telave me gjemba por do të kalonim kufirin për në Shqipëri. Ne kemi pasaporta siriane”, sqaron vëllai tjetër. “Fajin e ka stërgjyshi ynë i cili kishte 100 vjet më parë lënë Shqipërinë Dhe ishte shpërngulur në Siri, duke menduar se është një vend më i mirë. Por, tash ne nuk jemi dhe aq të sigurt nëse ai kishte pasur të drejtë ose jo”, vazhdon ai.
Gropëzat në faqet e të dyve bëhen më të mëdha. Qeshin edhe sirianët tjerë që ndodhen aty.
Që në shekullin e nëntëmbëdhjetë shqiptarët udhëtonin në botën e jashtme, në radhë të parë për të kërkuar punë. Para njëqind viteve në Turqi jetonin rreth 250 mijë deri 300 mijë shqiptarë në Turqi. Një numër kishin shkuar mandej në Siri. Shumë prej tyre në Damask. Dhe ja tash ku kanë zbarkuar dy pasardhës të këtyre emigrantëve në Gjevgjeli, në kufirin Greqi-Maqedoni ku presin për të bërë vazhdimin e rrugës, një kthim në Evropë”, shkruan “Det Standard” dhe transmeton albinfo.ch.
E-Diaspora
-
Koncert në Cyrih nga dy artiste shqiptare, Agona Shporta dhe Tringa Sadiku Në Cyrih do të mbahet një koncert më 02.05.2024 duke filluar nga ora 21:10, në adresen...
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe
-
8 filma nga Kosova dhe Shqipëria do të prezantohen në Festivalin e Filmit “goEast” 2024
-
Partneritet mes studentëve të Universitetit të Lucernit dhe atyre nga Maqedonia
Jeta në Zvicër
-
Lojë shpërblyese: Fitoni bileta për të shikuar njërin nga 27 filmat në Kino Kosova Platforma mediale albinfo.ch është partner medial i edicionit të katërt të Kino Kosova...
-
Shkurtimet për financimin e arsimit dhe kërkimit në Zvicër ngjallin shqetësime
-
Mjekët milionerë në Zvicër
-
I dënuari për vrasjen e dyfishtë në Bazel: Nuk e dija se armët ishin të vërteta!
-
Miliarderi zviceran jep 243 milionë dollarë për demokratët amerikanë, “çmenden” republikanët