E-Diaspora
Shqiptarët e suksesshëm në Amerikë
Ardita Dalipi u largua nga Kosova drejt Çikagos, për t’i shpëtuar luftës së viteve 90-të dhe tani drejton një klinikë të suksesshme dentare që numëron klientë të shumtë
Ëndrrën amerikane shqiptarët e kanë bërë realitet. Përtej oqeanit jetojnë mijëra bashkatdhetarë të cilët janë afirmuar në fusha nga më të ndryshmet, duke konkurruar denjësisht në tregun amerikan.
Një histori suksesi është ajo e Xheneto Harushës, kryetar i Komunitetit Shqiptar të Illinois dhe drejtues i kompanisë “Amazing Trucking&Logistics” e specializuar në transport rrugor, ajror dhe logjistikë.
Në takimin e zhvilluar me ministrin e Diasporës, Pandeli Majko, sipërmarrësi tha se kishte rreth 200 të punësuar nga 3 kontinente, përfshirë edhe shqiptarë, përcjell albinfo.ch.
“Punojmë me dy prej hekurudhave më të mëdha të SHBA dhe tre shtëpitë më të mëdha prodhuese të automjeteve. Jemi të specializuar për JIT – Just in Time Logistic, që do të thotë, të arrish të kontrollosh inventarin e një fabrike brenda 15 minutave”, tha Harusha, i cili shtoi se vetëm 30 kompani në SHBA, Kanada dhe Meksikë e ofrojnë këtë shërbim. Sipërmarrësi informoi ministrin lidhur me synimin e tij për të depërtuar në tregun shqiptar, duke mundësuar vende të reja pune.
Ardita Dalipi u largua nga Kosova drejt Çikagos, për t’i shpëtuar luftës së viteve 90-të dhe tani drejton një klinikë të suksesshme dentare që numëron klientë të shumtë. Gjatë takimit me Majkon, znj. Dalipi foli për vështirësitë dhe sakrificat, të cilat siç tha, ishin shpërblyer në vitin 2011, me hapjen e klinikës, njofton ministria e Diasporës së Shqipërisë.
Një tjetër sipërmarrje e suksesshme shqiptare në Çikago është ajo e familjes Ramadani nga Maqedonia, “Cross Country Mortgage”, shoqëri rifinancimi e kredive hipotekare. Ekipi i ekspertëve shqiptarë, përmes një procesi të kujdesshëm vlerësimi dhe konsulence, ndihmon klientët të sigurojnë kredi bankare për shtëpi.
Vetëm vitin e kaluar, firma ka ndihmuar mbi 2000 familje. Ministri u takua gjithashtu edhe me Nicholas Vangel, shqiptar i lindur në Shtetet e Bashkuara të Amerikës, por që ruan vlerat dhe kulturën e vendit të origjinës. Vangel drejton një kompani të suksesshme ndërtimi, ku janë të punësuar një grup shqiptarësh.
E-Diaspora
-
Promovohet në Cyrih platforma “Putpuri”, nga Prishtina Të premten, më 5 prill, platforma botuese e pavarur dhe nisma bashkëpunuese ndërmjet Prishtinës dhe Cyrihut,...
-
Më 7 prill, edicioni i tretë i panairit të librit shqip në SHBA
-
‘Vallja kosovare’ jehon në Universitetin e Gjenevës (Video)
-
Iu gjet drogë në shtëpi, arrestohet shqiptari në këtë shtet
-
Në aeroportin e Bazelit anulohet fluturimi për në Prishtinë, mërgimtarët ankohen
Jeta në Zvicër
-
Bislimi e Jashari nuk pritet të përzgjidhen nga Zvicra për Evropian Bëhet e ditur se mesfushorët Uran Bislimi e Ardon Jashari janë në grupin e lojtarëve që...
-
Ku janë restorantet ‘më të mira’ në Zvicër?
-
Zvicra duhet të forcojë kontrollin e sektorit të saj financiar, paralajmëron FMN
-
Trafiku i dendur edhe sot, bllokohen autostradat zvicerane
-
‘Vallja kosovare’ jehon në Universitetin e Gjenevës (Video)