Kultura
Sislej Xhafa nderohet me çmimin “Akademik Nderi” në Firence
Është hera e parë që mirënjohja, “Akademiku i Nderit” i ndahet një ish-studenti të kësaj akademie
Të premten më 16 dhjetor, Sislej Xhafa është rikthyer në Akademinë e Arteve të Bukura në Firence, atje ku dikur ishte student. Artisti nga Kosova do të hapë një ekspozitë personale me ç’rast janë të ftuar të gjithë studentët e Akademisë por edhe më gjerë.
Ndryshe në këtë natë, Xhafa edhe do të nderohet nga akademia e që do të jetë hera e parë që mirënjohja, Akademiku i Nderit i ndahet një ish-studenti. Xhafa do të ekspozojë veprën e tij ‘BD’ në hapësirat e Akademisë, shkruan koha.net.
Artisti i njohur botërisht, kthehet në Itali pasi galeria ‘Arti i shekullit 21’ në Romë së fundi ekspozoi një retrospektivë të veprave të tij. I lindur në Pejë, në vitin 1970, Sislej Xhafa aktualisht jeton dhe vepron në Nju Jork. Xhafa me veprat e ti njihet për ndërthurjet e ekonomisë, politikës dhe kompleksitete të ndryshme të shoqërisë moderne.
Hulumtimet e tij, për shembull rreth fenomenit të turizmit apo ilegalitetit, përdorin gjuhë minimale ndërsa njëkohësisht janë ironike apo subversive duke përfshirë në to mediat, pikturat e skulpturat por edhe fotografinë, shkruan Koha.net
“Realiteti është më i fuqishëm se arti. Si artist nuk më intereson të reflektoj në realitet por dua të ngre pikëpyetje rreth tij dhe ta sfidoj. Edukimi im social nuk përfaqëson aksione lineare e të arsyeshme. Unë i qasem jetën dhe botës me instinkt” kishte thënë Xhafa në vitin 2009 për punën e tij.
Rezultatet sociale dhe teoritë ekonomike për vite të tëra ishin pjesa qendrore e punës së Xhafës, me ç’rast hulumton edhe statusin legal të vet Kosovës
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Ish-presidenti thotë se Zvicra duhet të anëtarësohet në BE Një ish-anëtar i Këshillit Federal thotë se e vetmja mënyrë se si Zvicra do të arrijë...
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën
-
Bazel: Dënohet me burgim të përjetshëm shqiptari për vrasjen e dyfishtë
-
SWISS do të rifillojë fluturimet për në Tel-Aviv të premten