Autotech
Skandali i Facebook nuk ndikon në rritjen e fitimeve
Facebook deklaroi se numri i përdoruesve aktiv mujor u rrit në 2.2 miliardë gjatë tremujorit të parë, rritje me 13% nga e njëjta periudhë një vit më parë
Vlera në treg e Facebook është rritur, pas publikimit të rezultatit për tremujorin e parë të këtij viti, ku tregoi një rritje të fitimit me 63% dhe shtimin e përdoruesve, pa shenja të ngadalësimit të biznesit nga skandali i të dhënave personale.
Pasi theu projeksionet e Wall Street, aksioni i FB u rrit me 7.1% në 171 dollarë, duke kompensuar rënien që nisi në muajin mars me skandalin e marrjes së të dhënave nga Cambridge Analytica.
Skandali i Cambridge Analytica ndikoi në 87 milionë përdorues, dhe bëri që Mark Zuckerberg të kërkojë falje, shkruan ‘scan’.
Fitimi i Facebook theu projeksionet, ndërkohë që rritja me 49% e të ardhurave tejkaloi rritjen me 39% të shpenzimeve. Biznesi i reklamave në celularë u rrit prej iniciativës për të shtuar më shumë përmbajtje në video, përcjell albinfo.ch.
Facebook deklaroi se numri i përdoruesve aktiv mujor u rrit në 2.2 miliardë gjatë tremujorit të parë, rritje me 13% nga e njëjta periudhë një vit më parë. Rezultati përbën lajm pozitiv për rrjetin më të madh social në botë, në një kohë të titujve negativ mbi kompaninë mbi dhënien e informacionit personal.
Facebook bëri të ditur se në fund të tremujorit të parë punësonte 27,742 persona, apo 48% më shumë krahasuar me vitin e kaluar. Hera e fundit që aksionet e Facebook rriten sipër 7%-shit ishte përpara dy vite. Fitimi i pashpërndarë u rrit në 4.99 miliardë dollarë apo në 1.69 dollarë për aksion, nga $1.04 që ishte një vit më parë.
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe