Integrimi
Socialdemokratët e St.Gallenit formojnë grupin për migrantë
Iniciativën për themelimin e këtij forumi e ka marrë Arbër Bullakaj, nënkryetar i SP të kantonit St. Gallen, asamblist në Wil dhe kandidat për deputet në Parlamentin Nacional
Më 22 gusht me qellim integrimin e të huajve në jetën politike të vendit dhe kundërshtimin e urrejtjes ndaj të huajve është themeluar grupi për migrantët në kuadër të Partisë Socialdemokrate në St.Gallen.
Bullakaj, në fjalën e tij përshëndetëse ka theksuar veç tjerash se larushia në shoqërinë zvicerane duhet të pasqyrohet edhe në politikën e këtushme.
Siç thuhet në një komunikatë nga ky takim, aty kanë mbajtur referatet e tyre Adelina Muhaxheri dhe Ardian Nikolla. E para ka bërë paralele në mes të luftës për të drejtat e grave dhe asaj të të huajve ndërsa i dyti ka sjellë në kujtesë kushtet jonjerëzore të statusit të sezonierëve, ga fundi i shekullit të kaluar.
Fjalime kanë mbajtur edhe dy deputetë nacionalë që vijnë nga SP e St. Gallenit, Barbara Gysi dhe Paul Rechtsteiner si dhe kryetarja e SP-së së këtij kantoni Monika Simmler. Grupi muzikor “Africata” ka fisniküeruar atmosferën e këtij tubimi politik.
Grupi i posathemeluar, në të cilin bëjnë pjesë edhe kandidati ër deputet në Parlamentin Nacional, shqiptarozvicerani Etrit Hasler, Mirjam Angehrn, Daniel Ucha dhe Fidan Shahini, ka shpallur si synim afatgjatë edhe të drejtën e të huajve për të votuar dhe për t`u zgjedhur.
“Gjithçka tjetër që e anashkalon përfshirjen e të gjithë qyetarëve në politikë, nuk është e denjë për demokracinë. Por është evidente se aktualisht kjo gjë është e pamundur të realizohet. Prandaj ka shumë rëndësi të krijohen kushte korrekte në procedurën e natyralizimit të të huajve dhe të ndërpriten praktikat e taksave për natyralizim që komuna të caktuara i vendosin në mënyrë arbitrare”, është thënë në këtë takim.
Në kantonin St. Gallen 100 mijë njerëz nuk kanë të drejta politike ka konstatuar me dëshpërim Arbër Bullakaj. Veç kësaj, kantoni, sipas tij, jep një shembull të keq në nivel të Zvicrës për sa u takon kushteve për fitimin e shtetësisë zvicerane. Pjesëmarrësit e kanë miratuar ehde një rezolutë me këtë rast, thuhet në fund të njoftimit.
E-Diaspora
-
Mërgimtari nga Suhareka vdes në një aksident tragjik në Itali Raportohet se Haris Shala është 25-vjeçari shqiptar që humbi jetën një ditë më parë në një...
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe
-
8 filma nga Kosova dhe Shqipëria do të prezantohen në Festivalin e Filmit “goEast” 2024
Jeta në Zvicër
-
Zvicër: Thirrje për kujdes për personat që kanë vendosur tashmë goma verore Moti aktual kërkon goma dimërore. Prandaj, drejtuesit e mjeteve që kanë vendosur tashmë goma verore duhet...
-
Studim: Mirëqenia në Zvicër është rritur ndjeshëm në 30 vjetët e fundit
-
Lojë shpërblyese: Fitoni bileta për të shikuar njërin nga 27 filmat në Kino Kosova
-
Shkurtimet për financimin e arsimit dhe kërkimit në Zvicër ngjallin shqetësime
-
Mjekët milionerë në Zvicër