Sport
Spanja humb të drejtën e organizimit të Evropianit të Peshëngritjes, për shkak të Kosovës
Qeveria spanjolle nuk i është përgjigjur letrës së dërguar më 27 mars nga Federata Evropiane e Peshëngritjes (EWF), përmes së cilës do të garantonte pjesëmarrjen e Kosovës në këtë kampionat
Spanja ka humbur të drejtën e organizimit të Kampionatit Evropian U-23 të Peshëngritjes, për shkak të moslejimit të pjesëmarrjes së peshëngritësve të Kosovës.
Qeveria spanjolle nuk i është përgjigjur letrës së dërguar më 27 mars nga Federata Evropiane e Peshëngritjes (EWF), përmes së cilës do të garantonte pjesëmarrjen e Kosovës në këtë kampionat, njofton Komiteti Olimpik i Kosovës.
Për këtë arsye, Spanja është njoftuar nga Federata Evropiane që ka humbur të drejtën e organizimit të këtij kampionati, përcjell albinfo.ch.
Lajmi është konfirmuar edhe nga kryetari i Federatës së Peshëngritjes së Kosovës (FPK), Astrit Hasani, i cili është njoftuar edhe nga EWF-ja.
Spanja është njëra nga vendet e pakta evropiane që nuk e njeh Pavarësinë e Kosovës dhe pasaportat e saj.
Kampionati në fjalë ishte paraparë të mbahej prej 23-31 tetor 2018, kurse tani pritet të zhvendoset në Poloni.
Javën e kaluar, gjatë Konventës së SportAccordit, Komiteti Olimpik Ndërkombëtar (KON) dhe Asociacioni i Federatave të Sporteve Olimpike Verore, kishte kërcënuar me dënime shtetet që diskriminojnë sportistët e Kosovës me moslejimin e pjesëmarrjes së tyre shkaku i politikës dhe një gjë e tillë duket se dha efektin e saj të dielën.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit