E-Diaspora

“Sporti flet një gjuhë”

Më 24 qershor 2017 në Bazel me organizim të ABSM Bazel dhe klubit futbollistik BSC  “Old Boys” mbahet turniri tradicional i futbollit “Sport spricht eine Sprache (Sporti flet një gjuhë).

Turniri edhe këtë vit mbahet në terrenin sportiv “Schützenmatte” në Bazel. Qëllimi i këtij aktiviteti sportiv është bashkimi i njerëzve nga kultura të ndryshme dhe promovimi i integrimit.

Turniri është i hapur për të gjithë! Për të rinj e të moshuar, për familje dhe miq si dhe për të gjithë ata që interesohen për lojën e futbollit dhe e kanë atë kënaqësi .

Po ashtu edhe për fëmijët dhe të rinjtë ka aktivitete interesante, si për shembull vrapimi në 100 metra, në të cilin fëmijët mund të marrin pjesë edhe pa paralajmërim.

Dëshironi që me ekipin tuaj të paraqiteni për të marrë pjesë në turnir? Atëherë plotësojeni formularin e bashkëngjitur ose informohu në adresën elektronike: [email protected].

Paraqitja dhe regjistrimi mund të bëhet deri më 21 qershor.

Programi fillon në orën 9.30 me prezantimin e ekipeve dhe përfundon në orën 17 e 30 me ndarjen e çmimeve.

Flyer und Anmeldeformular 2017