Lajme
Bruksel, marrëveshje për heqjen e barrikadave
Në bisedimet që u ndërmjetësuan nga BE, dy grupet punuese, ata të Prishtinës dhe të Beogradit, janë pajtuar që deri në fund të shtatorit t’i japin vlerësimet për heqjen e barrikadës
Zëvendëskryeministrja e Kosovës në detyrë, Edita Tahiri, dhe shefi i Zyrës për Kosovën në Qeverinë e Serbisë, Marko Gjuriq kanë arritur sot në Bruksel, një marrëveshje në parim, për heqjen e barrikadës mbi lumin Ibër në Mitrovicë. Të dy palët janë dakorduar për lëvizje të lirë në dy anët e qytetit.
Në bisedimet që u ndërmjetësuan nga përfaqësuesit e Bashkimit Evropian, dy grupet punuese, ata të Prishtinës dhe të Beogradit, janë pajtuar që deri në fund të shtatorit t’i japin vlerësime konkrete për heqjen e barrikadës.
Zëvendëskryeministrja Tahiri, ka bërë të ditur për mediet serbe, se të gjitha palët janë pajtuar se në përputhje me të gjitha standardet evropiane dhe ligjet e Kosovës, të mundësohet liria e plotë e lëvizjes së njerëzve dhe të automjeteve në urën e Ibrit në Mitrovicë.
“Grupet punuese të Prishtinë dhe të Beogradit si dhe ato të BE-së do të arrijnë që deri në fund të shtatorit të japin vlerësimin përfundimtar dhe më pas edhe caktimi i afateve kohore për realizimin e saj”, ka thënë Tahiri.
Ndryshe gjatë ditës, Tahiri ka thënë se qëllimi i palës kosovare është që të dilet me plan konkret për heqjen e barrikadës.
“Synimi ynë është të dalim me një plan konkret dhe me afate që të hiqen të gjitha barrikadat në urë dhe përreth urës… dhe i gjithë procesi të realizohet sipas ligjeve të shtetit të Kosovës”, ka thënë ajo.
Ndryshe, tri vjet më parë serbët e Mitrovicës së Veriut e kanë vendosur një barrikadë mbi urën e lumit Ibër, duke pamundësuar qarkullimin e automjeteve nga njëra anë në tjetrën. Barrikadat me gurë, copëza betoi e rërë, ishin vendosu pas ndërhyrjes së Policisë së Kosovës në komunat e veriut.
Një muaj më parë, me iniciativën e qeverisë së Kosovës, barrikada u hoq, por serbët e revoltuar e ndërtuan një të ashtuquajtur “park të paqes”, duke mbjellë pisha e bime të tjera, të cilat po ashtu e pamundësuan lirinë e lëvizjes. Marrëveshja e sotme parashikon shkatërrimin e parkut.
Të tjera nga Lajme
E-Diaspora
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër Kushdo që merr këtë letër dhe nuk e identifikon si mashtrim, sigurisht që do të ketë...
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
Jeta në Zvicër
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër Kushdo që merr këtë letër dhe nuk e identifikon si mashtrim, sigurisht që do të ketë...
-
Së shpejti do të mund të merrni 2 litra lëngje me vete në bagazhin e dorës në aeroportin e Cyrihut
-
Mbi 60 trena shtesë drejt Ticinos gjatë fundjavave në maj
-
Pagat zvicerane rriten, por “u zbehën” nga inflacioni
-
Zvicra do të forcojë sigurinë në qendrat e azilit