Lajme
Djali “hasret” vritet në Siri
Melos Kosumit, 17 vjeçar nga Gjilani, i cili kishte shkuar në Turqi për studime, por kishte përfunduar në konfliktin Sirian ku edhe ishte vrarë. Ai ishte djalë hasreti
Edhe një djalë i ri nga komuna e Gjilanit është vrarë dy ditë më parë në konfliktin arab, në luftën e Sirisë. Raportohet për vrasjen e Melos Kosumit, 17 vjeçar nga Gjilani, i cili kishte shkuar në Turqi për studime, por kishte përfunduar në konfliktin Sirian ku edhe ishte vrarë.
Familja Kosomi ka hapur dyert për ngushëllime, ndërsa babai i viktimës Selami Kosumi dy ditë më parë ishte njoftuar se djali i tij i vetëm, Melosi është vrarë në Siri.
Shpesh i tradhtuar nga emocionet, Selamiu mundohet të rrëfejë se si para një viti Melosi kishte vazhduar shkollimin e mesëm në Turqi dhe shpesh nga mërzia ai ishte kthyer për vizitë në Kosovë, raporton KTV. Edhe kohën e fundit, ai thotë se kanë folur vazhdimisht në telefon, mirëpo gjithmonë duke menduar se djali gjendet në Turqi.
Një telefonatë e para dy ditëve nga Siria, e një personi që Selamiu thotë të mos e ketë ditur kush ishte, ia ka kumtuar lajmin për vdekjen e Melosit. Ai thotë se Melosi ishte djalë i sjellshëm dhe i suksesshëm në shkollë dhe nuk e përjashton mundësinë që dikush ka ndikuar në djalin e tij që ai t’i bashkohet luftës në Siri.
Por, megjithatë lutet që ky të jetë i fundit kosovar që vritet në luftën e Sirisë.
Derisa vazhdimisht është bërë thirrje nga të gjitha instancat shtetërore e fetare që të mos i bashkohen këtyre luftërave, deri më tash janë dhjetëra të rinj shqiptarë që janë vrarë në Siri dhe Irak. Para tri javësh, tetë shqiptarë u vranë gjatë luftimeve në Siri e Irak, prej tyre 6 kosvarë.
Në mesin e kosovarëve ishte vrarë edhe Sinan Muji, baba i një fëmije nga fshati Bresalc i Gjilanit. Sinani kishte shkuar atje bashkë me nusen dhe djalin, ndërsa pas vrasjes, bashkëshortja dhe i biri i kishin mbetur atje. Vetëm nga Gjilani brenda dy muajve në Siri e Irak si pjesëtarë të ISIS-it janë vrarë tre djem të rij.
Të tjera nga Lajme
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit