Lajme
Komuniteti i biznesit i gëzohet koalicionit
Oda Ekonomike e Kosovës e përshëndet marrëveshjen për koalicion LDK-PDK, duke e konsideruar momentin fundit për ta shpëtuar edhe ekonominë vendore
Marrëveshjes për bashkëqeverisje ndërmjet PDK-së dhe LDK-së, i është gëzuar edhe komuniteti i biznesit në Kosovë, i cili e ka ndjerë më shumë se sa politika, krizën institucionale. Oda Ekonomike e Kosovës e përshëndet marrëveshjen për koalicionin, duke besuar se ende ka kohë për rimëkëmbje.
“Oda Ekonomike e Kosovës e përshëndet këtë marrëveshje, sepse ishte çasti i fundit që të tejkalohet vakuumi institucional, i cili përveç reflektimit negativ mbi zhvillimin e përgjithshëm shoqëror, ka shkaktuar shumë dëme për ekonominë e vendit”, thuhet në një komunikatë lëshuar nga OEK.
Marrëveshja për koalicion, sipas OEK-së, vjen para projeksioneve dhe vendimeve kapitale financiare të fundvitit të cilat mund të bëhen vetëm nga institucionet që mbështeten në vullnetin e popullit.
“Politika e qëndrueshme dhe efikase ekonomike nuk duron mungesë të institucioneve, të cilat janë timonier në drejtimin e zhvillimit ekonomik, përmbushjen e prioriteteve madhore dhe adresimin e sfidave me të cilat ballafaqohet një vend i ri dhe me ekonomi të brishtë sikur Kosova”, thuhet në qëndrimin e OEK-së.
Për më tepër, marrëveshja sipas kësaj ode, vjen edhe në momentin kritik për investime të jashtme, sepse tashmë vërehet rënia e interesit të kapitalit të huaj që të investoj në një vend pa pushtet.
Sipas këtij komuniteti, çdo zhargitje e mëtutjeshme në themelimin e qeverisë dhe të kuvendit do të arsyetonte vlerësimin e atyre që parashikonin se Kosova, nëse nuk reagon shpejt, do të mund të llogarisë këtë vit të humbur nga aspekti ekonomik.
“Edhe pse është humbur shumë kohë jashtëzakonisht të çmueshme e cila nuk mund të rikthehet, edhe pse një vakum institucional shumë muajsh ka shkaktuar dëme të konsiderueshme për ekonominë e vendit dhe imazhin e saj jashtë, vendi ende ka shans që të bëjë përparime të nevojshme ekonomike deri në fund të vitit”, konsideron OEK.
Për të arritur një kthesë të tillë, Oda Ekonomike e Kosovës vlerëson se është nga rëndësia e madhe që pas politikës, ekonomia të zë vend të parë në agjendën e Kosovës dhe institucioneve të saja. “Është koha kur Republika e Kosovës duhet të dëshmohet edhe si Republikë zhvillimore e jo vetëm politike”, thuhet në qëndrimin e odes.
Të tjera nga Lajme
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Kostot e sistemit shëndetësor kanë arritur 91.5 miliardë franga Statistikat tregojnë se trajtimet kurative spitalore, trajtimet kurative ambulatore dhe trajtimet afatgjata dhe mbështetëse së bashku...
-
Adoleshenti kosovar, i dyshuar për ISIS, e quan veten “Bombarduesi”
-
Tifozët e Cyrihut shkaktuan 100,000 CHF dëme
-
Bazeli lufton mushkonjat
-
Zvicër: Nis fushata për uljen e primeve të sigurimit shëndetësor