Integrimi
Azilkërkuesit shqiptarë, të parët në numër në vendet e BE-së
Në dy muajt e parë të vitit vlerësohet 431% rritje azilkërkuesish shqiptarë në Shengen. Të paktën 824 vetë kërkuan azil vetëm në Gjermani
Shtetasit nga Shqipëria janë në vendin e parë në mesin e shteteve të Ballkanit për kërkim azili në vendet e BE-së. Sipas dokumentit të siguruar nga TCH, 1.035 azilkërkues shqiptarë u regjistruan gjatë muajit shkurt në Gjermani, Belgjikë, Suedi, Luksemburg dhe Zvicër, duke kapur nivelin e serbëve që mbanin pozicion udhëheqës deri në janar 2014.
Por, raporti i 39 i FRONTEX shton dhe rritjen e azilkërkuesve në Britaninë e Madhe, ndërsa vëren kalime ilegale të kufirit shqiptar drejt Hungarisë.
“Britania e Madhe raportoi për 140 aplikime për azil vetëm nga shqiptarët gjatë Shkurtit 2014. Nëse këto të dhëna i shtohen numrit total të 5 vendeve të tjera të Shengenit, shqipëtarët përbëjnë kombësinë kryesore gjatë shkurtit, duke ia kaluar serbëve me gati 100 aplikime. Me shqetësim, raportimet e Hungarisë tregojnë se kalimi i paligjshëm kufitar prej shqiptarëve në kufirin serbo-hungarez është rritur në mënyrë të qëndrueshme prej Nëntorit 2013”, thotë raporti.
Në dy muajt e parë të vitit vlerësohet 431% rritje azilkërkuesish shqiptarë në Shengen. Të paktën 824 vetë kërkuan azil vetëm në Gjermani, duke shënuar 2127% më shumë se gjatë shkurtit 2013.
Ndërkohë që në Suedi u regjistruan 116 shqiptarë, (97%), 26 në Belgjikë (-33%), 54 në Luksembourg (391%) dhe 15 persona aplikuan në Zvicër, çfarë përbën 650% më shumë se muaji paraardhës.
Njësia e analizës së rrezikut në Varshavë tregon se për periudhën e analizuar, 3 Shkurt deri në 2 Mars 2014, pati 3.100 aplikime gjithësej nga 5 vendet e Ballkanit përfituese të regjimit pa viza, duke vlerësuar pozitivisht një rënie prej 17% në tërësi.
Por, ndërsa vëren një ulje për aplikimet nga serbët, boshnjakët e maqedonasit, FRONTEX vëzhgon pothuajse dyfishim të kërkesave të shqiptarëve gjatë shkurtit krahasuar me janarin.
Ndërkohë, shtetet anëtare rritën kthimet drejt vendeve të origjinës me 61%. Në shkurt, 5 vendet më të prekura të Shengen riatdhesuan 1.248 persona në Ballkan.
Rreth 40% e azilkërkuesve shqiptarë u kthyen mbrapsht, 200 prej tyre forcërisht dhe 79 persona vullnetarisht. Zvicra mban rekordin për riatdhesimet, sipas këtij dokumenti, duke kthyer 5 veta për çdo aplikues të ri për mbrojtje ndërkombëtare.
Të tjera nga Integrimi
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zviceranët duan të ulin kostot e kujdesit shëndetësor Mbështetësit e UDC janë të vetmit që shprehen kundër modifikimit të ligjit federal për energjinë dhe...
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën
-
Bazel: Dënohet me burgim të përjetshëm shqiptari për vrasjen e dyfishtë