E-Diaspora
“Babai/Mein Vater”, film që xhirohet në ish bazën e NATO-s
Në filmin “Babai/Mein vater” behet fjalë për Norin dhjetëvjeçar, i cili, në kërkim të babait të zhdukur në Kosovë, gabimisht shkon në Gjermani
Ambientet ku më parë qëndronte komanda e NATO-s në Rheindahlen të qytetit gjerman Mönchengladbach (JHQ) janë bërë sërish një pikë qendrore e takimeve ndërkombëtare. Një ekip shqiptaro-maqedonas-gjerman në qendrën e tashme filmike po xhiron një film artistik në qendrën e braktisur.
Aktorët ashtu si dhe regjisori, Visar Morina, vijnë nga Kosova. Por pjesën e vet e ka edhe Mönchengladbach-u, producentja e filmit “Babai/Mein Vater” është e lindur në këtë qytet.
“Nëna ime ka punuar në JHQ”, rrëfen producentja Nicole Gerhards. Më kujtohet që kam qenë këtu si fëmijë”.
Xhirimet kanë nisur nga fillimi i kësaj jave rreth një barake të vjetër në JHQ, e cila në film “luan rolin” e një qendre strehimi të azilkërkuesve.
Në filmin “Babai/Mein vater” behet fjalë për Norin dhjetëvjeçar, rolin e të cilit e luan Val Maloku, një vogëlush i kësaj moshe. Nori është në kërkim të babait të zhdukur në Kosovë, dhe, gabimisht rruga e çon në Gjermani.
Deri më tash është xhiruar në Kosovë, Maqedoni dhe në Gjermani. Ekipi ka ardhur në Mönchengladbach pas 35 ditë xhirimesh. Ky është stacioni i fundit për ekipin e filmit. Katër aktorë dhe 18 statistë parakalojnë para kamerave. Në film flitet shqip. Më vonë, filmi i sponsorizuar nga WDR, Arte dhe fondacioni për film dhe medie i NRW-së do të sinkronizohet edhe gjermanisht.
Të tjera nga E-Diaspora
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën