E-Diaspora
Vjen për herë të tetë festivali i filmit të shkurtër „Swikos 2014“
E premtja e 21 nëntorit hap edicionin e tetë të festivalit të filmit të shkurtër “Swikos” në Bazel.
„Swikos“ është festivali shqiptaro-zviceran i filmit të shkurtër, i cili për të tetën herë me radhë do të mbledhë bashkë sërish në Bazel të Zvicrës regjisorë, skenaristë dhe producentë filmash nga Kosova, Zvicra, Gjermania, Austria dhe Maqedonia.
Duke filluar nga 21 nëntori, për dy ditë resht, do të prezantohen 14 projekte filmike, pesë prej të cilave janë të regjisorëve kosovarë, 6 janë të atyre zviceranë, 2 prej tyre nga Gjermania dhe Austria dhe 1 nga Maqedonia.
„Swikos“, i cili do të mbahet edhe këtë herë në sallën “Stadt Casino” të Bazelit, në këtë edicion, të tetin me radhë, ka për synim të sjellë më afër nëpërmjet filmava të shkurtër kulturën zvicerane dhe shumë kultura të tjera në një audiencë të përzier.
Në konkurrencë janë 7 prodhime të artistëve zviceranë dhe 7 prodhime ndërkombëtare. Filmat më të mira do të shpërblehen në pesë kategori dhe me një çmim të publikut. Edhe sivjet do të ndahen çmime për filmin më të mirë, regjinë, aktorin e aktoren, kamerën dhe montazhin.
Edicionin e sivjetmë të festivalit e ka sponsorizuar Ministria e Kulturës dge Ministria e Diasporës e Republikës së Kosovës etj.
Filmi i njohur nga Kosova “Kolonat”, në regji të Ujkan Hysajt, është shpërblyer me çmimin kryesor në edicionin e kaluar të festivalit shqiptaro-zviceran të filmit të shkurtër “SwiKos”.
“Kolonat” njeh deri më tash një pjesëmarrje në më se 40 festivale ndërkombëtare, me dhjetëra çmime të fituara.
Pos ndarjes së çmimeve, festivali po shfrytëzohet si një vendtakim për regjisorët edhe producentët nga Kosova e Zvicra dhe nga vendet e tjera evropiane.
“Swiss Kos Art” është një organizatë kulturore e themeluar në prill të vitit 2007, ku për qëllim ka përafrimin apo edhe shkëmbimin ndërkulturor zviceran me atë kosovar, gjegjësisht shqiptar. Kjo organizatë, pos festivalit “Swikos”, merret edhe me organizimin e ngjarjeve të tjera kulturore kosovaro-shqiptare në Zvicër.
Programi i edicionit të tetë të festivalit të filmit të shkurtër “Swikos” në Bazel: linku
Të tjera nga E-Diaspora
E-Diaspora
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro Bëhet e ditur se rreth 88 milionë euro është vlera preliminare e dërgesave të mërgatës që...
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
-
Mbahet takimi i Kolegjit të kirurgëve të Kësovës me kirurgët nga mërgata
-
Irlandë: Ekspozitë nga artisti shqiptar, Azem Koleci
Jeta në Zvicër
-
Ja si duken fanellat e reja të Zvicrës në Kampionatin Evropian Fanellat e reja të kombëtares së Zvicrës janë prezantuar dy muaj e gjysmë para fillimit të...
-
Ndërprerje e transportit publik në Gjenevë
-
Numër rekord i turistëve amerikanë në pistat zvicerane të skive
-
Simpoziumi i mantelbardhëve shqiptarë në Zvicër emocionon profesorët nga Kosova e Shqipëria
-
Hana nga Zvicra, Perla që u zbukuron gëzimet tuaja