E shtunë, 25 Tetor, 2014 - 01:04
Subscribe to Syndicate
download

Në shkurt mbahet “Wiki Academy Kosovo”

09.01.2013 - 15:47
Qëllimi i “Wiki Academy Kosovo”, sipas MPJ-së, është paraqitja sa më e mirë dhe më objektive e Kosovës në internet

Ministria kosovare e Punëve të Jashtme në bashkëpunim me Ambasadën e Britanisë së Madhe, Ambasadën e Norvegjisë, Këshillin Britanik, Fondacionin IPKO dhe organizatën kosovare “Flosssk” do të organizojnë garën “Wiki Academy Kosovo”, e cila ka për qëllim prezantimin sa më të mirë të Kosovës në internet.

Zëvendësshefi i diplomacisë kosovare, Petrit Selimi tha se MPJ ka disa muaj që po organizon aktivitete inovative që synojnë, hap pas hapi, të krijojnë një narracion më të saktë dhe më pozitiv të Kosovës.

“Tash e shumë vite ishim viktima të propagandës së egër dhe duhet zhvilluar mjetet me të cilat kjo propagandë të zhbëhet, përfshirë angazhimin aktiv dhe të vazhdueshëm online”, ka thënë Selimi.

Teresa Crawford dhe Kushtrim Xhakli anëtarë të bordit të IPKO Fondacionit, thanë se qëllimi i “Wiki Academy Kosovo” është përmirësimi i cilësisë dhe sasisë së përmbajtjes online për Kosovën me qëllim të përfaqësimit më të mirë të Kosovës në internet.

“Akademia do të sjellë së bashku qytetarë aktivë online dhe ekspertë e historianë për të shkruar artikuj dhe siguruar foto me cilësi të lartë rreth Kosovës në Enciklopedinë Wikipedia në kategori të tilla si, trashëgimia kulturore, çështjet sociale, gjeografia, institucionet, ekonomia dhe turizmi”, ka thënë Crawford.

Wikipedia, sipas tij, është ndër 10 faqet më të vizituara në internet dhe praktikisht burimi i parë i informacionit për këdo të interesuar në ndonjë temë të panjohur.

Sipas MPJ-së, gjatë “Wiki Academy Kosovo”, pjesëmarrësit do të takojnë mentor të Wikipedias dhe ekspertë të hulumtimit nga jashtë dhe brenda Kosovës, të mësojnë aftësi të vlefshme të hulumtimit dhe hartimit, si dhe të takojnë të tjerët të interesuar në përmirësimin e reputacionit të Kosovës jashtë vendit.

“Për kontribuuesit e artikujve apo fotove më të mira apo kontributet e përgjithshme që përmbushin kriteret profesionale dhe kualitative dhe që mbesin si pjesë integrale e Wikipedia-s do të ndahen shpërblime në shumën prej 10,000 euro”, njofton MPJ.

Aktivitetet qendrore të “Wiki Academy Kosovo” do të zhvillohen nga data 22-24 shkurt 2013, në objektin e Fakultetit të Edukimit, Universiteti i Prishtinës.

Gjatë muajit janar do të organizohen prezantime të detajuara rreth projektit dhe mënyrës së aplikimit në disa universitete dhe shkolla të mesme të Kosovës. Ky projekt, sipas MPJ-së, është iniciuar në kuadër të Strategjisë së Diplomacisë Digjitale të Ministrisë së Punëve të Jashtme të Republikës së Kosovës.

Së fundi, revista turke “Yeni Diplomasi”, përzgjodhi Strategjinë për Diplomacinë Digjitale të Kosovës ndër më të mirat në Evropë. Për më shumë informacione dhe për të aplikuar, të interesuarit mund të drejtohen në “wikiacademykosovo.org” 

Reklamë

Reklamë

Sipas jush, si ka ndikuar ndeshja Serbi-Shqipëri në perceptimin e Ballkanasve në rrethin tuaj në Perëndim?

Sipas statistikave, brenda një viti vetëm 60 mijë shikues kanë shkuar në Kinema për të parë një film. Ndërsa vetëm 17 mijë qytetarë kanë parë një shfaqje në teatër
Debat
@albinfo.ch: Kim Mehmeti
« Po bëhemi të pandjeshëm » Të premten e kaluar, në Universitetin e Lozanës gazetari dhe shkrimtari shqiptar nga Maqedonia, Kim Mehmeti, e ka prezantuar analizën e tij mbi temën “Shqiptarët e Maqedonisë, 1990 – 2014”
Prezantim
albinfo.ch
Shaip Beqiri: "Ky nuk është libri im" Libri më i ri i Beqirit është ndër librat më të mirë të poezisë shqipe, u tha në prezantimin e bërë në Bernë të librit "Hidra e mllefit/Hydra des Zorns", botim i Limmat Verlag
LAPSH
Cikli i lartë në Lozanë
Shkollat shqipe, me pak nxënës e me shumë probleme Janë vetëm 151 nxënës në gjithë kantonin Vaud që do të mësojnë shqipen këtë vit shkollor, krahas mësimit të rregullt në shkollat zvicerane

Reklamë

Moti

Bernë

Overcast
  • 6 °C
Reported on:
Sht, 25/10/2014 - 00:20

Prishtinë

Broken clouds
  • 7 °C
Reported on:
Sht, 25/10/2014 - 00:30

Cyrih

Clear sky
  • 5 °C
Reported on:
Sht, 25/10/2014 - 00:20

Shkup

Overcast, rain
  • 8 °C
Reported on:
Sht, 25/10/2014 - 01:00

Newsletter

Reklamë

Kursi i valutave

Amount to convert

Reklamë

Facebook

Copyright © 2010 albinfo.ch. All Rights Reserved.

Përdorimi i shkrimeve, fotografive si dhe materialeve të kësaj platforme mund të bëhet vetëm duke e përmendur burimin albinfo.ch. Cdo shfrytëzim dhe riprodhim i tyre pa lejen e albinfo.ch është i ndaluar dhe përbën shkelje e të drejtave autoriale .
Redaksia e mban të drejtën për mosbotimin dhe moskthminin e dorëshkrimeve, fotografive apo materialeve të tjera të dërguara.

Rreth nesh

Karta


Bashkëpunimi
Shkabaj