Shkurt.ch
7.5 milionë të rinj të papunë në Evropë
Zvicra ka gati 8 milionë banorë. Pothuajse po kaq të rinj në Evropë nuk gjejnë as punë dhe as kurse për kualifikim profesional
Në studimin “Papunësia tek të rinjtë në Europë”, realizuar nga Qendra për Studimet Ekonomike Evropiane me mandatin e Fondacionit Robert-Bosch thuhet se në Evropë janë rreth 7.5 milionë të rinj pa punë dhe pa kualifikim profesional.
Ingrid Hamm, drejtore ekzekutive e fondacionit, i kosnideron këto shifra alarmante.
Sipas studimi deri tani në përmirësimin e gjendjes nuk kanë ndihmuar as programet e kushtueshme evropiane për punësimin.
Më shumë se një në dy të rinj në Spanjë që nga viti 2012 janë pa vend pune dhe pa kurs kualifikimi profesional. E njëjta situatë është edhe në Greqi.
Vendet si Italia, Greqia, Spanja dhe Portugalia kanë qenë gjithmonë të prekura nga papunësia.
Sipas studimit shkaqet kanë të bëjnë me kuotat e larta të atyre që ndërpresin shkollën, me sistemin e arsimit profesional, që nuk orientohet nga nevojat e tregut të punës si dhe me konfliktet e shumta mes sipërmarrësve dhe sindikatave.
Studiuesit konstatojnë deficite të mëdha në sistemin arsimor.
Në Itali qysh nga viti 1995 nuk janë rritur më shpenzimet për sistemin shkollor, ndërkohë që një masë e tillë është marrë në të gjitha vendet e tjera evropiane.
Në Spanjë një në pesë të rinj lë shkollën pa e mbaruar atë. Ndërkohë që kuota e akademikëve është mjaft e lartë. Një në dy vetë e mbyll ciklin e arsimimit me një diplomë akademike.
Studiuesit kritikojnë gjithashtu rregullat në tregun e punës, prej të cilave në shumë vende europianojugore është krijuar përçarje e tregut të punës.
Në Spanjë, Itali dhe Portugali më shumë se gjysma e të punësuarve nën moshën 25 vjeç në vitin 2012 kanë pasur kontrata pune me afat të kufizuar kohor.
Ndërkohë që ata mbi 40 vjeç vetëm një në pesë vetë ka qenë i prekur me kontrata të kufizuara pune.
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën