Shkurt.ch
Gjobë në vend të burgut për delikte të lehta
Për të gjitha shkeljet që do të hyjnë në kategorinë e delikteve të lehta, gjobat maksimale do të jenë 300 franga dhe ato duhen paguar në vendin e ngjarjes
Këshilli Federal sërish ka vendosur të bëjë një ndryshim në qasjen ndaj personave që kryejnë delikte të lehta. Në vend të procedurës së rregullt penale dhe dënimit me burg, ata duhet të dënohen me gjobë për shkelje rendi.
Ende nuk janë përkufizuar të gjitha deliktet që përfshihen në këtë rregullim të ri por siç thuhet nga një përfaqësues i Zyrës Federale për Drejtësi, bëhet fjalë kryesisht për shkelje të caktuara të ligjit mbi pyje ose për shpërfilljen e ndalesave për vozitje në vende të caktuara, shkruan sfr.ch Më tutje, këtu hyjnë edhe shitja e alkoolit personave të mitur, peshkimi në vendet dhe kohën kur është i ndaluar etj. Për të gjitha këto shkelje, gjobat maksimale do të jenë 300 franga dhe duhen paguar në vendin e ngjarjes. Rregulla të ngjashme janë tashme në fuqi në vendet fqinje të Zvicrës, si Gjermania, Franca dhe Austria.
Kërkesa për këtë ndryshim ka ardhur nga parlamenti, me argumentimin për thjeshtëzim të procedurave gjegjësisht për të zvogëluar burokracinë. Kjo qasje do të jetë më e thjeshtë edhe për vetë të dënuarit, pasi që me pagesën e gjobës shlyhet detyrimi i tyre. Por, këta nëse nuk pajtohen me pagesën e gjobës mund të kërkojnë procedurë të rregullt.
Gjobat do të shqiptohen nga policët por ata ende nuk janë të vendosur se si do të veprojnë.
Krahas përkrahjes, vendosja e gjobave në vend të dënimeve me burg për delikte të lehta ka nxitur edhe reagime. Disa studiues dhe ekspertë juridikë kanë shprehur shqetësimin se me këtë qasje do të favorizohen të pasurit, pasi që kështu ata mund të shkelin pa problem rregullat pasi që për ta nuk përbën ndonjë problem pagesa e gjobës prej jo më shumë se 300 frangash.
Të tjera nga Shkurt.ch
E-Diaspora
-
Promovohet në Cyrih platforma “Putpuri”, nga Prishtina Të premten, më 5 prill, platforma botuese e pavarur dhe nisma bashkëpunuese ndërmjet Prishtinës dhe Cyrihut,...
-
Më 7 prill, edicioni i tretë i panairit të librit shqip në SHBA
-
‘Vallja kosovare’ jehon në Universitetin e Gjenevës (Video)
-
Iu gjet drogë në shtëpi, arrestohet shqiptari në këtë shtet
-
Në aeroportin e Bazelit anulohet fluturimi për në Prishtinë, mërgimtarët ankohen
Jeta në Zvicër
-
Ku janë restorantet ‘më të mira’ në Zvicër? Zvicra është shtëpia e disa restoranteve më të mira, shumë prej të cilave kanë fituar yjet...
-
Zvicra duhet të forcojë kontrollin e sektorit të saj financiar, paralajmëron FMN
-
Trafiku i dendur edhe sot, bllokohen autostradat zvicerane
-
‘Vallja kosovare’ jehon në Universitetin e Gjenevës (Video)
-
Në aeroportin e Bazelit anulohet fluturimi për në Prishtinë, mërgimtarët ankohen