Shkurt.ch
Shifra rekorde të migrantëve ilegalë nga Afrika
20.500 refugjatë kanë zbarkuar në Itali nga fillimi i vitit. Krahasuar me periudhën e njëjtë të vitit 2013 bëhet fjalë për një rritje të dhjetëfishtë.
Italia e Jugut po përballet me një fluks tepër të madh të regfujatëve që vijnë nga Afrika, në rrugën e tyre për në Evropë.
Vetëm gjatë tre muajve të parë të këtij viti në brigjet jugore të Italisë kanë zbarkuar 20.500 refugjatë, të cilët kanë kaluar nëpër Detin Mesdhe, ka njoftuar Ministria italiane e Punëve të Brendshme. Krahasuar me periudhën e njëjtë të vitit 2013 bëhet fjalë për një rritje të dhjetëfishtë.
Ndërkaq deri më tash gjatë këtij viti në Itali kanë kërkuar azil 13.000 persona. Në vitin e kaluar, gjatë gjithë vitit kanë qenë 27.000.
Duke u nisur nga ky trend, autoritetet italiane druajnë se deri në fund të vitit numri i azilkërkuesve do të rritet në 62.000. Një numër i ngjashëm ishte arritur në vitin 2011, si pasojë e luftës qytetare në Libi dhe „pranverës arabe”.
Ministri i brendshëm italian, Angelino Alfano ka thënë të mërkurën në parlament se ka gjithnjë më shumë njerëz që vendin e tyre e lënë jo për shkaqe ekonomike, njofton agjencia e lajmeve apa. “Ata ikin nga ndjekja dhe luftërat”.
Sipas tij, marina italiane përmes operaconit të saj „Mare Nostrum” deri më tash ka arritur të shpëtojë 19.000 refugjatë në Detin Mesdhe. Misioni i kushton Italisë nga 9 milionë euro në muaj. Për këtë arsye Alfano ka kërkuar nga BE-ja angazhim dhe ndihmë më të madhe në luftë kundër migracionit ilegal.
E-Diaspora
-
Bëhet publike agjenda e Forumit shqiptaro-zviceran në Gjenevë Më 19 prill do të flasin figurat më të njohura të ndërmarrësve shqiptarë te ndërtimit, financave...
-
Nga 1 maji, filmi kosovar-zviceran “The Land within”, në kinematë e Zvicrës
-
Rixhil Agushi, shqiptare nga RMV, zgjidhet kryetare e Parlamentit të qytetit Schlieren
-
Xhaka do të mbetet te Leverkuseni
-
Gjykata Federale “dëbon” kosovarin, edhe pse ka jetuar 28 vjet në Zvicër
Jeta në Zvicër
-
Në cilën prej komunave zvicerane jetohet më mirë? Çiftet me të ardhura të larta pa fëmijë mund të kursejnë 40,000 franga duke kaluar nga...
-
Parlamenti dëshiron të ndalojë simbolet ekstremiste në publik
-
Fedpol: Mafia është e konsoliduar në Zvicër
-
Rritet numri i rasteve me zgjebe në Zvicër
-
Gjeneva nxjerr në ankand targa unike