Shkurt.ch
Zvicra mund t`i kthejë në Itali familjet refugjate
Italia do të japë garanci për secilin rast të veçantë të kthimit se familjet në fjalë nuk do të shpërndahen por do të lihen të banojnë së bashku
Zvicra sërish ka të drejtë t`i kthejë në Itali familjet e refugjatëve te cilat Italinë e kanë pasur vendin në të cilin janë paraqitur për azil për herë të parë. Kjo do të bëhet e mundur falë një marrëveshjeje që Zvicra ka lidhur me Italinë, ka bërë të ditur drejtori i Zyrës Federale për Migracion (BFM) Mario Gattiker. Këtë njoftim ai e ka bërë publik në magazinën e lajmeve “10vor10” të televizionit publik të Zvicrës.
Sipas marrëveshjes në fjalë, Italia do të japë garanci për secilin rast të veçantë të kthimit se familjet në fjalë nuk do të shpërndahen por do të lihen të banojnë së bashku. Po ashtu do të sigurohen zgjidhje adekuate edhe për fëmijët në kuadrin e këtyre familjeve.
Problemi me kthimin ose moskthimin e familjeve refugjate nga Zvicra në Itali ka lindur në momentin kur Gjykata Evropiane për të Drejtat e Njeriut në Strassburg, në fillim të nëntorit pati vendosur që Zvicra nuk ka të drejtë të dëbojë në Itali një familje refugjatësh afganë. Kjo ndalesë mbështetej në faktin se Italia nuk ofronte garanci për strehimin adekuat dhe mbajtjen së bashku të familjes në fjalë. Familja afgane fillimisht ishte paraqitur si refugjate në Itali, prej nga kishte kaluar në Zvicër, rrugë kjo që e bëjnë me mijëra refugjatë.
Të tjera nga Shkurt.ch
E-Diaspora
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave Asamblistët në fjalë janë: Flurin Capaul (FDP), Pascal Lamprecht (SP), Përparim Avdili (FDP), Reis Luzhnica (SP)...
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane