E-Diaspora
Taulant Xhaka, përfundimisht për Shqipërinë
Ai është shprehur për mediet zvicerane se ky veprim nuk është i orientuar kundër Zvicrës, por, thjesht, konkurrenca në kombëtaren zvicerane ka qenë tepër e fortë
Taulanti, të cilin shpesh e identifikojnë edhe si “vëllai i madh” i Granit Xhakës, yllit të Borussia Mönchengladbach-ut, përfundimisht do të luajë për kombëtaren e Shqipërisë. Ai i është përgjigjur ftesës së bërë nga kombëtarja shqiptare për të qenë pjesë e ndeshjes së saj kundër Portugalisë.
Duke iu referuar këtij lajmi, mediet zvicerane në publikimet e tre të sotme merren me fatin e dy vëllezërve Xhaka. Sipas tyre, me vendimin e fundit të Taulantit, 7dy vëllezërit e talentuar kurrë nuk do të kenë mundësi të luajnë më në të njëjtën kombëtare. Përderisa Graniti ka vendin e sigurt në kombëtaren e Zvicrës, Taulanti pritet të luajë për Shqipërinë në ndeshjen kundër Portugalisë. Dhe, siç shkruan gazeta “Tageswoche”, në momentin që Taulant Xhaka do të zhvillojë ndeshjen e parë për kombëtaren shqiptare, ai humb përgjithmonë mundësinë për të luajtur për Zvicrën.
Por, në vazhdim gazeta thotë se megjithatë është e mundur që dy vëllezërit të luajnë në një kombëtare të përbashkët, në atë të Kosovës! Kjo bëhet e mundur në rast se kombëtarja e Kosovës lejohet të zhvillojë ndeshje ndërkombëtare zyrtare. Në një rast të tillë të gjithë lojtarët me prejardhje kosovare kanë të drejtë të luajnë për kombëtaren e re të shtetit të Kosovës.
I pyetur rreth përcaktimit të tij për Shqipërinë, Taulant Xhaka është shprehur për mediet zvicerane se ky veprim në asnjë mënyrë nuk është i orientuar kundër Zvicrës. “Synim imi është që të luaj në nivel ndërkombëtar ndërsa konkurrenca në kombëtaren zvicerane për pozicionin që luaj unë është tepër e fortë”, ka thënë ai.
E-Diaspora
-
Në 50 vitet e fundit të Albanifest, për herë të parë ansambli “Vatra” përfaqëson kulturën dhe traditën shqiptare Hap i Madh për Kulturën Shqiptare në Zvicër...
-
Shkëlqimi shqiptar dhe eleganca e kohëve të shkuara në ekspozitën e Kristian Zefit
-
Festivali në Wiesbaden të Gjermanisë, në fokus filmat nga Shqipëria dhe Kosova
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
Jeta në Zvicër
-
Në 50 vitet e fundit të Albanifest, për herë të parë ansambli “Vatra” përfaqëson kulturën dhe traditën shqiptare Hap i Madh për Kulturën Shqiptare në Zvicër...
-
Bazel: Plan i ri për banim të përballueshëm
-
Bie numri i sulmeve në bankomatë
-
Cyrihu po teston airbag-ët për tramvaj
-
Rritet vjedhja e biçikletave elektrike në Zvicër