Tematike
Merr ndihma sociale? Nuk ke të drejtë për veturë!
Parlamenti i Kantonit të Cyrihut është shprehur që personat me ndihma sociale nuk kanë të drejtë të kenë makina
A kanë të drejtë njerëzit që marrin ndihma sociale të mbajnë veturë? Një debat rreth këtij problemi është duke u zhvilluar aktualisht në Kantonin e Cyrihut ndërkohë që në disa komuna kjo ndalesë tashmë është realitet. Po kështu, në raste të caktuara edhe gjykatat kanë marrë vendime lidhur me arsyeshmërinë e një ndalese te tillë.
Ndërkohë të hënën Parlamenti i Kantonit të Cyrihut në leximin e parë të iniciativës parlamentare të bërë nga SVP dhe FDP është shprehur me shumicë votash që në të ardhmen personat që jetojnë me ndihma sociale nuk kanë të drejtë të jenë pronarë të makinave. Megjithatë, për një vendim përfundimtar ndalues nevojitet edhe shumica në votimin përmbyllës, i cili do të mbahet pas disa javësh.
Iniciativa e përmendur kërkon në atë që një personi të varur nga ndihmat sociale, pasja e automobilit t`i lejohet vetëm në raste të veçanta si për shkak të sëmundjes, nevojave të veçanta ose për shkaqe profesionale.
Megjithatë, në rast se Parlamenti i Kantonit të Cyrihut e miraton përfundimisht iniciativën, mund të priten kontestime të saj, siç ka ndodhur në kantonet që tashmë kanë vepruar në këtë drejtim.
Kështu, në kantonin Basel-Stadt prej tri vitesh personat me ndihma sociale nuk kanë të drejtë të posedojnë vetura. Për të bërë këtë ndalesë, janë adaptuar edhe rregulloret kantonale.
Por, siç e thotë udhëheqësja e shërbimit social në Basel-Stadt, njëri nga personat e prekur është ankuar në gjyq kundër ndalimit të veturës dhe ka fituar. Gjykata e Apelit ka vendosur se udhëzimeve kantonale u mungon baza ligjore. Sipas gjyqtarëve po ashtu personave të mbështetur nga shërbimi social u duhet lënë një hapësirë veprimi rreth vendimit e si do t`i përdorin paratë e tyre. Kështu, tash në secilin rast duhet vendosur veç e veç nëse persni i caktuar ka nevojë ose jo për të mbajtur veturë.
Të tjera nga Tematike
E-Diaspora
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave Asamblistët në fjalë janë: Flurin Capaul (FDP), Pascal Lamprecht (SP), Përparim Avdili (FDP), Reis Luzhnica (SP)...
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane