Shkurt.ch
St. Gallen-i ashpërson procedurën e dhënies së pasaportës zvicerane
Parlamenti i Kantonit të St. Gallenit vendosi që afati i qëndrimit në kanton dhe në komunë, si kusht për natyralizim, të jetë nga pesë vjet.
Njëri ndër kriteret për natyralizimin e të huajve në Zvicër është afati i caktuar për kohën minimale të kaluar në komunën dhe kantonin përkatës. Deri tash, në Kantonin St. Gallen vlente rregulli që i huaji i cili dëshiron pasaportën zvicerane të ketë banuar së paku 8 vite në këtë kanton dhe së paku 4 vite në komunën e njëjtë, shkruan sda.ch.
Por niveli federal me të renë ka caktuar disa ndryshime. Risi në këtë drejtim për kantonet dhe komunat është se kohëzgjatja e banimit si kusht për kërkim të natyralizimit mund të caktohet në mes 2 dhe 5 viteve, transmeton albinfo.ch. Kjo nënkupton që rregullimi që ka vlejtur deri tash në Kantonin e St. Gallenit duhet të ndryshohet. Lidhur me këtë, Qeveria e Kantonit në një projektligj të saj ka propozuar që për qëndrimin në kanton të vihet si kriter afati 5 vjeçar ndërsa për komuna, dy vjeçar.
Por shumica në Komisionin Përgatitor kanë shfrytëzuar maksimalisht hapësirën e veprimit për të ashpërsuar kushtet. Kështu, komisioni në fjalë ka kërkuar që të huajve të cilët duan të natyralizohen t`u vihet si kusht banimi pa ndërprerje për pesë vite në të njëjtën komunë. Qeveria si reaksion ndaj këtij qëndrimi kishte propozuar kompromisin prej 4 vitesh. Kjo, pasi që më parë, SP dhe të Gjelbrit kishin kërkuar variantin minimal: 2 vjet qëndrim në komunë dhe dy vjet në kanton, për të huajt që duan të bëhen zviceranë.
Kompromisi i qeverisë kësaj radhe është përkrahur edhe nga FDP-ja. Por në votim, propozimi i SP-të Gjelbrit ka humbur me 24 kundrejt 85 votave. Kjo bëri që në fund të fitonte zgjidhja e komisionit përgatitor mbi propozimin e qeverisë, me 69 vota pro dhe 41 kundër, përcjell albinfo.ch. Kështu, Parlamenti i Kantonit të St. Gallenit vendosi që afati i qëndrimit në kanton dhe në komunë, si kusht për natyralizim, të jetë nga pesë vjet.
Të tjera nga Shkurt.ch
E-Diaspora
-
Blick: Shaqiri dëshmon sërish pse Zvicra nuk mundet pa të Gazeta zvicerane shkruan se nëse ka pasur dyshime që Përfaqësuesja e Zvicrës në futboll nuk bën...
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
-
Mbahet takimi i Kolegjit të kirurgëve të Kësovës me kirurgët nga mërgata
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane