Shkurt.ch

Stuhia rrëzon një kamion dhe një vagon treni, bllokime rrugësh dhe hekurudhash

Një vagon i trenit në lokalitetin Lenk, në regjionin Berner Oberland të Kantonit të Bernës ka dalë nga binarët dhe ka rënë përmbys nga fuqia e erës, duke bllokuar linjën hekurudhore

Se stuhia “Burglind” që sot ka “vizituar” Zvicrën ka qenë me të vërtetë e fuqishme dhe e rrezikshme tregon edhe skena që po shihni. Një vagon i trenit në lokalitetin Lenk, në regjionin Berner Oberland të Kantonit të Bernës ka dalë nga binarët dhe ka rënë përmbys nga fuqia e erës, shkruan sda.ch.

Siç njofton ndërmarrja hekurudhore Montreux-Oberland-Bahn, me këtë rast kanë pësuar lëndime tetë persona.

Megjithatë, sipas kryetarit të komunës së Lenk-ut. Rene Müller, aksidenti ka kaluar relativisht lehtë në krahasim me rrethanat.

Është interesante se pikërisht në Lenk sot pasdite ishte planifikuar që ministri federal, Johann Schnweider-Ammann të bënte hapjen e Kampit të Shtatë të Skitarëve të Rinj të Zvicrës, transmeton albinfo.ch. Për shkak të stuhisë së përzier me reshje shiu, manifestimi është zhvendosur në një ambient të mbyllur në një sallë të fshatit Simmental.

Stuhia ka shkaktuar sot probleme të mëdha edhe në autostradën A1 nga Berna në drejtim të Oensingenit. Në këtë linjë është bllokuar në tërësi trafiku për shkak të rrëzimit të një kamioni.