Uncategorized
SVP/UDC me trend të rënies, SP/PS në ngritje
Kështu, sikur zgjedhjet nacionale të mbaheshin tash, Partia Socialdemokrate (SP/PS) do të gëzonte besimin e 20.3% të zgjedhëseve ose 1.5% më shumë se në vitin 2015. SVP/UDC nga 29.4% sa i ka pasur në vitin 2015 do të binte në 28.1%
Në zgjedhjet e fundit nacionale të Zvicrës, të mbajtura në vitin 2015 ashtu si dhe në përgjithësi viteve të fundit, SVP/UDC ka treguar një ngritje të vazhdueshme. Por duket se këtij trendi po i vjen fundi, njofton srf.ch. Kështu së paku ka treguar sondazhi më i ri, i realizuar gjatë muajit mars, në të cilin SVP del me një rënie prej 1.1 për qind, transmeton albinfo.ch. Nga ana tjetër, janë SP/PS, FDP/PLR dhe të Gjelbrit (GPS) ato që, sipas sondazhit të realizuar nga instituti për hulumtimin e Opinionit Publik GFS, do të shënojnë rritje.
Kështu, sikur zgjedhjet nacionale të mbaheshin tash, Partia Socialdemokrate (SP/PS) do të gëzonte besimin e 20.3% të zgjedhëseve ose 1.5% më shumë se në vitin 2015. SVP/UDC nga 29.4% sa i ka pasur në vitin 2015 do të binte në 28.1% duke mbetur megjithatë forca më e madhe politike e Zvicrës. FDP/PLR me plus 0.9% më shumë arrin në 17.3% dhe e konfirmon trendin e rritjes që e ka tash një kohë ndërsa CVP/PDC vazhdon rënien: me minus 0.9% ajo bie në nivel vendi në 10.7% të votave, transmeton albinfo.ch. Një rritje mbresëlënëse sipas këtij sondazhi e ka realizuar Partia e gjelbër, e cila nga 7.1% ka arritur në 8.8% ose plus 1.7%.
Realizuesit e sondazhit rënien relative të SVP-së e shpjegojnë me humbjen e iniciativës për zbatimin e dëbimit të të huajve me dosje krimi dhe me disa zhvillime tjera në vend. Drejtuesi i institutit, Claude Longchamp e quan këtë zhvillim ndërprerje të “rrëshqitjes nga e djathta”.
E-Diaspora
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave Asamblistët në fjalë janë: Flurin Capaul (FDP), Pascal Lamprecht (SP), Përparim Avdili (FDP), Reis Luzhnica (SP)...
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane