Integrimi
Takim i ngrohtë dhe rikonfirmim i miqësisë gjermane-shqiptare
Sekretari i Shtetit në Ministrinë e Mbrojtjes z. Thomas Silberhorn, zja. Melanie Huml, Ministre e shëndetësisë së Bavarisë, një nga Kryetarët e Bashkisë së Bambergut z. Wolfgang Metzner, e personalitete tjera të rëndësishme u pritën me këngë e valle të shoqatës “Rinia” nga Siegen
Në pjesën më të bukur të qytetit Bamberg në Bavarinë veriore, të shtunën jehonin tingujt e muzikës shqipe. Në një nga adresat më të preferuara të këtij qyteti me shumë monumente të mbrojtura nga UNESCO, shoqata e posathemeluar kulturore gjermano-shqiptare ”Dardania”, kishte mbledhur bashkë komunitetin gjerman dhe atë shqiptar.
Ky manifestim i cili shënonte riaktivizimin e një shoqate të vjetër shqiptare, ishte më shumë se kaq. Ishte një lloj falënderimi për popullin gjerman por edhe një vërtetim për miqësinë gjermano-shqiptare në këtë qytet. Kjo mbrëmje ishte vazhdim i dialogut të vendasve me bashkëqytetarët e tyre shqiptarë të cilin më së miri e përshkroi një mysafir gjerman me fjalët e tij: “Në këto kohëra është me rëndësi të bisedojmë me njëri tjetrin e jo për njëri tjetrin”.
Rreth 700 shqiptarët e Bambergut qysh me dekada kanë marrë pjesë aktive në sfera të ndryshme të jetës. Më shumë si individë e pastaj të bashkuar një shoqatë kulturore e cila para shumë vitesh kishte ndërprerë aktivitetin e saj për të ringjallur atë këtë vit si shoqatë me emër të ri.
“Themelimi i shoqatës, krahas qëllimit për ruajtjen e gjuhës shqipe, promovimin e kulturës si dhe nxitjen e shkëmbimit kulturor mes trojeve shqiptare dhe Gjermanisë, ka edhe qëllimin që punën që deri më tash e kemi kryer si individë apo grupe të vogla, ta vazhdojmë të bashkuar si shoqatë” flet Florim Gashi, kryetar i shoqatës, një aktivist i palodhshëm në këtë qytet.
“Ndihma në forma të ndryshme për refugjatët shqiptarë që janë të shumtë në qendrën për pranimin e azilkërkuesve në këtë qytet, integrimi i tyre por edhe kujdesi për ta mbas riatdhesimit në vendet nga kanë ardhur, janë po ashtu pjesë e aktiviteteve tona” vazhdon Gashi duke shtuar se “komuniteti shqiptar është poashtu pjesëmarrës në organizime sportive e kulturore të qytetit.“
Respektin e madh për kontributin e shqiptarëve në Bamberg e tregon prania e rreth 120 mysafirëve ku më shumë se gjysma e tyre ishin gjermanë.
Sekretari i Shtetit në Ministrinë e Mbrojtjes z. Thomas Silberhorn, zja. Melanie Huml, Ministre e shëndetësisë së Bavarisë, një nga Kryetarët e Bashkisë së Bambergut z. Wolfgang Metzner, e personalitete tjera të rëndësishme u pritën me këngë e valle të shoqatës “Rinia” nga Siegen.
Edhe tavolina me ushqime shqiptaro-gjermane u prit mirë në ngjarjen e cila nuk kishte karakter politik ku morën pjesë edhe Atasheu ushtarak i Ambasadës së Republikës së Kosovës në Berlin z. Xhavit Sadrija, z. Agron Maloku nga Konsullata e Republikës së Kosovës në Frankfurt si dhe përfaqësues të bizneseve të ndryshme.
Nga Kosova ishin të pranishëm Kryetari i “Vetëvendosjes” z. Albin Kurti, zëvendësministri Isni Kilaj, etj.
Në takim u lexua edhe letra përshëndetëse e Ministrit të punëve të Brendshme të Bavarisë z. Joachim Herrmann e cila e gëzoi pa masë organizatorin Gashi i cili nuk fsheh dëshpërimin për mospjesëmarrjen e politikanëve tjerë të ftuar nga Përfaqësitë diplomatike në Gjermani si dhe nga Kosova.
“Nga shumica e të ftuarve nuk kam marrë kurrfarë lajmi. Ata nuk e shohin të udhës as të lajmërohen se nuk mund të vijnë. Prandaj më gëzon edhe më shumë letra e MPB të Bavarisë i cili kërkoi ndjesë që nuk është sontë këtu“ flet Gashi i cili shpreson që në të ardhmen komunikimi me Ambasada dhe Konzullata të jetë më i mirë por edhe pret ndihmë nga ata në realizimin e projekteve të shoqatës në të ardhmen.
Performaca e shkëlqyer e Flaka Gorancit (këndim) nga Vjena dhe Desar Sulejmanit (piano) nga Essen, i ofroi mbrëmjes miqësore gjermano-shqiptare edhe një ngjyrë të veçantë muzikore dhe u prit jashtëzakonisht mirë.
E-Diaspora
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave Asamblistët në fjalë janë: Flurin Capaul (FDP), Pascal Lamprecht (SP), Përparim Avdili (FDP), Reis Luzhnica (SP)...
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane