Bota

A do takohen gjatë majit Trump dhe Kim në Zvicër?

A do përsëritet edhe njëherë viti 1985?

Presidenti amerikan Donald Trump (71) ishte i gatshëm të takohet ose diskutojë me udhëheqësin Kim Jong Un (34). Këto deklarata ai i bëri gjatë fushatës zgjedhore, shkruan “Blick”. Tani Trump kërkon ti jap fund kontestit bërthamor me Korenë e Veriut dhe për zgjidhje “janë planifikuar takime”, sqaroi ai gjatë natës së shkuar në Twitter, informon albinfo.ch.

Po a do kryhet takimi historik në Zvicër?

“Zvicra është në bisedime me të gjitha palët”, tha Carole Wälti, zëdhënësja e departamentit të jashtëm zviceran (EDA) për BLICK. “Është në dorë të palëve pjesëmarrëse, për të vendosur nëse pajtohen për t’u takuar.” Zvicra si shtet neutral më së miri mund të organizonte një takim të tillë, bile edhe Trump edhe Kim e njohin mjaft mirë vendin. Ky i fundit ka qëndruar disa vjet në Bernë, ku ka ndjekur shkollën.

Kur Gjeneva bëri historinë në 1985

Gjatë nëntorit 1985 në Gjenevë të Zvicrës u bë takimi i lartë mes presidentit të atëhershëm amerikan Ronald Reagan dhe ish sekretarit gjeneral të Komitetit Qendror të Partisë Komuniste sovjetike Michail Gorbaçov. Ky ishte takimi i parë mes tyre dhe më pas ndodhi procesi i rrëzimit të Murit të Berlinit 1989, që ndante Gjermaninë dhe në 1991 u shpërbë Bashkimi Sovjetik.

Sinjalet e para të zbutjes së konfliktit mes Koresë Veriore dhe SHBA-së me aleatë, kishte gjatë Lojërave Dimërore Olimpike, ku një delegacion i vendit vizitoi Korenë Jugore.

Udhëheqësi i delegacionit të Koresë Jugore që më pas vizituan Veriun, Chung Eui Yong, thekseoi se Kim Jong është i gatshëm të ndalojë testet bërthamore dhe se një takim i lartë mes Trump dhe Kimit mund të ndodhë më së voni deri në maj.