Teatër

TBK-ja paraqitet me koreografinë “Recomposed” në Francë

Trupa e Baletit Kombëtar të Kosovës në fundmajin e këtij viti pritet të paraqitet para publikut francez në qytetin e Parisit. Koreografia “Recomposed” e dyshes Christophe Beranger dhe Jonathan Descours, e cila kishte marrë formë para dy vjetësh në Prishtinë, do të inskenohet nga trupa e baletit vendës edhe në Paris, përcjell albinfo.ch.

Lajmin për pjesëmarrjen e balerinëve në Francë e bëri publik atasheu i Kosovës në Paris, Valon Ibraj. Baleti Kombëtar i Kosovës në shtator të vitit 2017 e kremtoi 45- vjetorin e themelimit, ndërsa ky institucion i rëndësishëm kulturor ka nisur programin vjetor për vitin 2018 me shfaqjen koreografike “Pa mure” të balerinës Teuta Krasniqi, premiera e së cilës u shfaq më tetë shkurt të këtij viti