Zhvillim
Të rejat nga Kosova në trajnim për kujdestare të pleqve në Gjermani
Djellza Hajdari dhe Qëndresa Bytyqaj, e kanë kaluar procedurën e pranimit në shkollën e aftësimit për punë në shtëpitë e pleqve
Fondacioni “Martin-Haug” në qytetin Freudenstadt merr pjesë në një program të organizatës humanitare të Djakonisë, Württemberg, që u mundëson të rinjve nga Kosova një kualifikim në profesionin e kujdesit për pleq në Gjermani.
Djellza Hajdari dhe Qëndresa Bytyqaj, gjatë hospitimit të tyre marrin përvoja rreth punës së një kujdestareje për të moshuarit në Gjermani, ato tashmë e kanë kaluar edhe procedurën e pranimit në shkollën e aftësimit për punë në shtëpitë e pleqve. Pyetjes së gazetës Schwarzwalderbote.de rreth përshtypjeve të para, ato i përgjigjen pozitivisht. “Të gjithë janë shumë miqësorë, na pëlqen shumë”, thonë ato.
Nisur nga mungesa e profesionistëve në këtë fushë në Gjermani dhe shkalla e lartë e papunësisë në Kosovë, kjo mund të konsiderohet shans për të dyja palët, transmeton albinfo.ch. Që në vitin e kaluar, në Prishtinë, kryeqytetin e Kosovës ishin zhvilluar biseda përzgjedhjeje të aplikuesve për këtë trajnim. Johannes Miller, drejtor në Martin-Haug-Stift ka qenë anëtar i delegacionit gjerman atje. “Kemi parë aplikuese dhe aplikues jashtëzakonisht të motivuar” thonë ai.
Djellza dhe Qëndresa bëjnë pjesë në mesin e gjithsej 53 konkurruesve të suksesshëm të cilëve tash u ofrohet një vend për kualifikim, trajnim në Baden Württemberg. Pas kurseve intensive të gjermanishtes, pjesëmarrësit kosovarë të projektit kanë ardhur pak më parë në Gjermani që të përgatiten për trajnim.
Pritja që u është bërë në Aeroportin e Shtutgartit flet për rëndësinë e projektit, transmeton albinfo.ch. Besnik Miftaraj, konsull i Republikës së Kosovës, Johannes Flothow, përgjegjës për Evropën Lindore në Shoqatën Humanitare të Diakonisë së Württembergut si dhe Besa Miftari dhe Flokart Xhafa, përfaqësues të organizatës simotër nga Kosova APPK kanë përshëndetur të porsaardhurit.
Pas hospitimit, Djellza dhe Qëndresa kthehen në Kosovë, prej nga në shtator vijnë sërish për të filluar trajnimin.
Ky program ka filluar në vitin 2014 si projekt model, i cili u mundëson të rinjve një perspektivë profesionale në mënyrë legale dhe përmes migrimit të përgatitur mirë. Ndërsa për bartësit e projektit pjesëmarrja përbën një mundësi të mirë për të siguruar personelin e nevojshëm.
Të tjera nga Zhvillim
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?