Autotech
Të veçantat e Galaxy Note 9, kushton 999 dollarë
Telefoni i ri, që është një ndërhyrje mes smartphonit dhe tabletës, do të dalë në treg më 24 gusht, sipas Samsung
Samsung ka prezantuar Galaxy Note 9 në Nju Jork këtë javë, një produkt kryesor me të cilin synon të tërheqë konsumatorët e rinj, nëpërmjet karakteristikave të shumta dhe shërbimet për lojëra dhe muzikë.
Samsung lajmëroi gjithashtu partneritete me lojën popullore Fortnite dhe shërbimin e muzikës Spotify, duke i dhënë vrull konkurrencës me Apple, në telefonat premium.
Produkti i ri shënon një ndryshim të modelit Note, që njihej për funksionet e shumta. Megjithatë, çmimi prej 999 dollarë për modelin bazë me 128 gigabyte, ka ngritur dyshime nëse jetëgjatësia e shtuar e baterisë dhe ftohja e shpejtë e telefonit, mund të tërheqin konsumatorët.
Samsung ndodhet në presion për të nxitur shitjet e telefonave, pasi publikoi rritjen më të ngadaltë të fitimit në më shumë se 1 vit, ndërkohë që rivalë si Huawei kanë shtuar konkurrencën me modele më të lira, shkruan ‘Scan’.
Note 9 do të ketë kapacitet prej 1 terabyte, nëpërmjet një versioni prej 512 gigabytë që suporton 512 të tjera nëpërmjet kartës së memories, duke e bërë Samsung kompaninë e parë që shet telefona me 1 terabyte, përcjell albinfo.ch.
Telefoni i ri, që është një ndërhyrje mes smartphonit dhe tabletës, do të dalë në treg më 24 gusht, sipas Samsung.
Porositë për Note 9 kanë nisur nga 10 gusht, me modelin prej 512 gigabyte që kushton 1,249 dollarë.
Sprint do ta prezantojë telefonin më 24 gusht me 50% zbritje, nëpërmjet një skeme promocionale. Note 9 do të jetë telefoni i parë Android që suporton Fortnite, një lojë popullore që mund të luhej vetëm në kompjuter personal deri më tani.
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Kostot e sistemit shëndetësor kanë arritur 91.5 miliardë franga Statistikat tregojnë se trajtimet kurative spitalore, trajtimet kurative ambulatore dhe trajtimet afatgjata dhe mbështetëse së bashku...
-
Adoleshenti kosovar, i dyshuar për ISIS, e quan veten “Bombarduesi”
-
Tifozët e Cyrihut shkaktuan 100,000 CHF dëme
-
Bazeli lufton mushkonjat
-
Zvicër: Nis fushata për uljen e primeve të sigurimit shëndetësor