Kultura

Teatri “Neumarkt” nga Cyrihu vjen me një shfaqje në Prishtinë

Ideja ishte e artistit nga Kosova, Besim Morina, i cili punon dhe vepron në Cyrih të Zvicrës.

Për herë të parë teatri profesional “Neumarkt” nga Cyrihu prezanton një shfaqje  në Kosovë. Bëhet fjalë për shfaqjen “Ndërtimi” të Franc Kafkës.

Ideja ishte e artistit nga Kosova, Besim Morina, i cili punon dhe vepron në Cyrih të Zvicrës. Morina ka treguar për albinfo.ch se dëshira ka qenë e përbashkët që të jepet kjo shfaqje në Kosovë edhe nga regjisori Peter Kastenmüller, që është dhe drejtori i teatrit dhe Max Simonischek, që është një ndër aktorët më të kërkuar në fushën e teatrit dhe filmit në pjesën gjermanofolëse.

Për skenografinë e shfaqjes është përkujdesur Besim Morina.

Shfaqja është interpretuar nëpër teatro të ndryshme në Gjermani, Austri, etj.

“Shfaqja do të jepet në Teatrin Dodona në Prishtinë, duke iu falënderuar menaxherit të teatrit, Valdet Rama, për mbështetjen e tij maksimale në çdo aspekt për realizimin e kësaj shfaqjeje në Kosovë”, tha skenografi Besim Morina.

Shfaqja «Ndërtimi» do të jepet premierë në Prishtinë më 20 dhe më 22.04.2017.

 

“Der Bau” “Ndërtimi”
Von Franz Kafka “Eine unterirdische Männerphantasie”
Mit: Max Simonischek
Simonischek
Einrichtung: Peter Kastenmüller, Max Simonischek
Bühne: Besim Morina
Beratung Sounds: Daniel Freitag
Kostüm: Modedesign Basman & Joel Basman
http://www.theaterneumarkt.ch/