Sporti

Tefik Bajrami bokson në Prishtinë për titullin e botës në versionin WBF

Kjo do të jetë ndeshja e parë për kampion bote në boksin profesionist që do të mbahet në Republikën e Kosovës

Tefik Bajrami, i njohur si “Uragani shqiptar”, boksieri i mirënjohur që u shpall kampion bote më 1 prill për versionin WBU (World Boxing Union) në Zvicër, do të ketë ndeshjen e radhës për titullin vakant të botës në versionin WBF (World Boxing Federation). Organizator i kësaj ngjarjeje do të jetë Klubi i Boksit Llapi, i themeluar  nga kampioni, Tefik Bajrami.

Ndeshja e madhe e boksit do të mbahet në kryeqendrën kosovare, në Pallatin e rinisë dhe sporteve, në Prishtinë.

Tefik Bajrami (13 ndeshje, 12 fitore) do te zhvillojë kështu ndeshjen e 14-të në boksin profesionist në kategorinë Kruizer, deri 90.7 kg.

Kundërshtari do të bëhet publik këtë javë.

Vlen te theksohet se kjo do të jetë ndeshja e parë për kampion bote në boksin profesionist që do të mbahet në Republikën e Kosovës.

Bajrami ka qenë kampion Evrope ne Karate dhe kampion bote në tajboks, për të kaluar pastaj në boks, ku u shpall kampion i Zvicrës, i Evropës dhe së fundi, i Botës, më 1 prill 2017.

KUJDES ! TEKSTI YNË I KOPJUAR DO TË DENONCOHET DHE RAPORTOHET. PËRPOS NËSE...

Ju keni të drejtë ta riprodhoni tekstin tonë, por me kusht që ta citoni burimin e albinfo.ch dhe kur ta publikoni shkrimin, ta integroni linkun e artikullit siç vijon: http://www.albinfo.ch/tefik-bajrami-bokson-ne-prishtine-per-titullin-e-botes-ne-versionin-wbf/

Në të kundërtën, ne do të raportojmë pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin. Redaksia e albinfo.ch.

 Biografi e shkurtë:

  • Emri e mbiemriTefik Bajrami
  • Prejardhja:Podujevë, Kosovë
  • Vendi ku vepron:Zvicër
  • Profesioni:Boksier