Lajme
Teuta, duke pritur 25 vjet për gjykimin e vrasësve të babait të saj, Enver Hadri
"Gjëja më e rëndësishme është se ka më në fund një gjykim dhe se mund të shpjegohet se çfarë ka ndodhur aty", ka thënë Teuta Hadri, e bija e aktivistit të ndjerë të drejtave të njeriut, Enver Hadri
Sot në mëngjes, kryetari i Gjykatës së Krimeve të Rënda në Bruksel duhet të vendosë për shtyrjen apo jo të gjyqin e tre serbëve të akuzuar për vrasjen politike të aktivistit e Enver Hadri, në vitin 1990, në Saint-Gilles të Belgjikës. E bija e veprimtarit kosovar, Teuta Hadri në një intervistë për një medium belg, tregon për 25 vitet e hetimit ndaj vrasjes së babait të saj, hetime të cilat ngjiten deri tek shërbimet e fshehta të ish-Jugosllavisë, njofton albinfo.ch. Ajo shpreson që gjykimi të fillojë sot.
Gjykate e Krimeve të Rënda në Bruksel, ku rasti duhet të gjykohet të hënën, do të duhet megjithatë të vendosë mbi rregullsitë e fletëthirrjeve të të akuzuarve, të dërguara në gjuhën frënge, pasi ata nuk e flasin atë gjuhë.
Pika e ngritur nga avokatët e njërit nga të akuzuarit mund të shkaktojë shtyrjen e gjykimit për disa muaj. “Kjo është puna e tyre, e avokatit. Unë nuk mund t`i fajësoj ata, por vjen një kohë kur nuk munden t’i shpëtojnë më gjykimit” ka thënë Teuta Hadri, bija e viktimës, përcjell Albinfo.ch.
Enver Hadri u vra në timon të makinës së tij, më 25 shkurt, 1990 në Saint-Gilles nga kriminelë nga Beogradi të mandatuar nga shërbimet sekrete të ish-Jugosllavisë.
“Unë shpresoj se ata kanë diçka më tepër se arsyet procedurale për të mbrojtur klientin e tyre”, tha Teuta Hadri, transmeton albinfo.ch.
Asnjëri nga tre të akuzuarit: Veselin Vukotic, Bozhidar Spacic dhe Andrija Draskovic, nuk do të jenë të pranishëm në bankën e të akuzuarve të hënën. Vetëm Draskovic është shqetësuar duke u përfaqësuar nga avokatët. “Unë besoj fuqishëm motivet e fuqisë së të vërtetës, edhe në qoftë se të pandehurit nuk ishin aty. Gjëja më e rëndësishme është se ka më në fund një gjykim dhe se mund të shpjegohet se çfarë ka ndodhur aty”, ka thënë Teuta Hadri, e bija e aktivistit të ndjerë të drejtave të njeriut, Enver Hadri.
Të tjera nga Lajme
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Kostot e sistemit shëndetësor kanë arritur 91.5 miliardë franga Statistikat tregojnë se trajtimet kurative spitalore, trajtimet kurative ambulatore dhe trajtimet afatgjata dhe mbështetëse së bashku...
-
Adoleshenti kosovar, i dyshuar për ISIS, e quan veten “Bombarduesi”
-
Tifozët e Cyrihut shkaktuan 100,000 CHF dëme
-
Bazeli lufton mushkonjat
-
Zvicër: Nis fushata për uljen e primeve të sigurimit shëndetësor