Lajme
Thaçi: Çështja e personave të pagjetur kërkon maturi e durim
Ai pohoi se edhe në dialogun me Serbinë ka kërkuar që çështja e të pagjeturve të kryhet me urgjencë
Qendra Burimore për Personat e Zhdukur në Prishtinë ka organizuar konferencë ku është diskutuar për fatin e personave të pagjetur e në të cilën ka marrë pjesë edhe Presidenti, Hashim Thaçi i cili është kritikuar së fundi nga anëtarët e Komisionit Qeveritar për Personat e Zhdukur.
Thaçi ka thënë se politika nuk duhet të politizojë me fatin e të pagjeturve, transmeton albinfo.ch. Ai theksoi se është e papranueshme që tërë këto vite nuk është zbardhur fati i të pagjeturve.
“Kam qenë dhe mbetem i angazhuar që çështja e të pagjeturve të mbyllet shpejt dhe drejt. Personalisht do të angazhohem që të zbardhet fati i të pagjeturve dhe të mbyllet ky kapitull. Është e kuptueshme dhimbja e familjeve që nuk dinë për të dashurit e tyre tash e dy dekada. Këta e kanë mbyllur dhimbjen dhe është e kuptueshme që nuk kanë forcë që të hapin përsëri, por këtë dhimbje e ndajmë të gjithë, e ndajmë përkushtimin për identifikimin dhe mbetjet e gjetura”, ka deklaruar Presidenti.
Ai pohoi se edhe në dialogun me Serbinë ka kërkuar që çështja e të pagjeturve të kryhet me urgjencë. Presidenti Thaçi me gjithatë nuk ka qëndruar në konferencë shumë kohë pasi ka mbaruar fjalimin e tij.
Ndërsa Chablise Stoner nga Ambasada e Britanisë së Madhe ka ofruar mbështetje për zbardhjen e fatit e të pagjeturve. “Vetëm duke bashkëpunuar mund të arrijmë që të dimë të vërtetën në lidhje me atë që ka ndodhur”, është shprehur ajo.
Përfaqësuesi i familjarëve të të pagjeturve, Bajram Qerkini ka ngritur pyetjen se si mund të ndodh në një vend të vogël si Kosova që çështja e të pagjeturve të ngec aq gjatë.
E Milorad Trifunovic, përfaqësues serb në Qendrën Burimore për Perona të Pagjetur ka kërkuar nga qytetarët e Kosovës që kanë varrosur të dashurit e tyre gjatë luftës që të pranojnë njerëzit që vijnë për të marrë një pikë gjaku nga ata për tu siguruar se ato varreza janë të familjarëve të tyre. Sipas tij, në atë periudhë, njerëzit janë varrosur në mënyrë klasike dhe pa u marrë analizat e ADN-së.
Të tjera nga Lajme
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zviceranët duan të ulin kostot e kujdesit shëndetësor Mbështetësit e UDC janë të vetmit që shprehen kundër modifikimit të ligjit federal për energjinë dhe...
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën
-
Bazel: Dënohet me burgim të përjetshëm shqiptari për vrasjen e dyfishtë