Uncategorized

Thirrja e kryeministrit dhe presidentit

Kryeministri i Kosovës, Ramush Haradinaj, së bashku me bashkëshorten, Anita Haradinaj, kanë votuar në Shkollën e Mjekësisë “Ali Sokoli” në Prishtinë dhe ka kërkuar nga të gjithë qytetarët e vendit që të votojnë.

“Ftoj të gjithë qytetarët e vendit që të dalin e të votojnë. Kosovën e presin shumë punë, një pjesë e punëve të rëndësishme ndodhin në komuna. Janë me rëndësi komunat, kryetarët e komunave, asambletë komunalë dhe vetëm me punë mund të shkojmë kah zhvillimi, kah rritja e gjithmbarshme e vendit dhe kjo rritje kërkon edhe rolin aktiv të qytetarit, pra votën e qytetarit. Prandaj, votoni të gjithë. Me fat”, theksoi kryeministri, transmeton albinfo.ch.

Presidenti u bënë thirrje qytetarëve të dalin të votojnë masivisht

Presidenti i Kosovës, Hashim Thaçi pasi ka kryer obligimin qytetar duke votuar në Shkollën Fillore “Faik Konica” në Prishtinë e ka vlerësuar këtë ditë, si shumë të veçantë dhe të rëndësishme për qytetarët.

Presidenti Thaçi ka bërë thirrje që të dilet në mënyrë masive për të votuar.  “Dëshiroj të falënderoj KQZ-në dhe gjithë mekanizmat që kanë punuar me përkushtimin më të madh për organizimin e zgjedhjeve fer, të lira dhe demokratike. Është një fillim i mbarë i ditës sot, shpresoj dhe besoj që gjithë mekanizimi politik, shoqëria civile, mediat, KQZ-ja, gjithë vëzhguesit vendorë dhe ndërkombëtarë do të jenë në krye të përgjegjësive të tyre që edhe ky proces i rëndësishëm, test i demokracisë për Kosovën, të përmbyllet suksesshëm”, ka deklaruar Presidenti.