Sporti

Tri ekipe shqiptare në Brazil, Kosova e Zvicra kualifikohen, Shqipëria jo

Zvicra është vendi i tretë që i bashkohet Kosovës dhe Shqipërisë me ekipin shqiptar Grejzat që po marrin pjesë në turnirin «Neymar Jr’s five» në Praia Grande të Brazilit.

Grejzat janë ekipi që po përfaqëson Zvicrën në këtë turnir dy ditor. Ndue Daka, Arbias Binaku, Leonard Krasniqi, Arbnor Salihaj, Shkelzen dhe Endrit Alushi, futbollin e kanë hobi dhe luajnë për qejf.

Ata përfaqësojnë Zvicrën dhe janë në mesin e 53 ekipe nga mbarë bota që po marrin pjesë në këtë turnir të quajtur Finalja Botërore e turnirit futbollistik «Neymar Jr’s Five», i cili ka filluar dje i ndarë në 9 grupe me nga 6 ekipe.

Zvicra ka luajtur dje në grupin C me Rusinë, Anglinë, Hungarinë, Egjiptin, Azerbejxhanin dhe është kualifikuar e dyta në grup pas Anglisë me tri lojë të fituara dhe dy të humbura.

Kosova në Grupin D është kualifikuar si e treta në grup pas Angolës dhe Kilit, duke lënë pas Argjentinën, Filipinët dhe Irlandën e Veriut.

Në Grupin A Shqipëria nuk ia ka dalë të kualifikohet pasi që ndaj Gjermanisë, Japonisë e Nigerisë ka humbur me rezultat të thellë 5-0 dhe 3-1 ndaj Lituanisë. Shqipëria ka fituar vetëm ndaj Kuvajtit 5-1.

Tre vendet e para janë kualifikuar për ndeshjet Knock-out, që do të luhen sot mes 32 skuadrave më të mira. Nëse Zvicra dhe Kosova arrijnë ta tejkalojnë këtë fazë, ata do të kualifikohen në qerek finale dhe në fund dy skuadrat më të mira ndeshen ndërmjet veti.

Sot në fazën “Knock-out” përballën Grejzat e Zvicrës ndaj Italisë dhe Simpatikët e Kosovës kundër Malajzisë.

Kampioni Botëror i këtij turniri do të luaj kundër ekipit të yllit të Barcelonës, Neymar dhe do të shpërblehet me një fundjavë me superyjet në Barcelonë