Ekonomi

Trump: Dëgjoj shumë Covfefe, përdor fjalën me pronar një shqiptar

Një Tweet nga Shtëpia e Bardhë që shqetëson të gjithë? Nuk ndodh rrallë. Por kësaj here është publikuar një video humoristike ku përfiton një shqiptar nga Zvicra.

Konflikti për një copë toke që shpërtheu në rrjetet sociale amerikane është kthyer në video humoristike nga Shtëpia e Bardhë. Disa thonë se është e “Yanny”, të tjerët betohen se nuk është e askujt tjetër përveç “Laurel”.

Në fund del presidenti Donald Trump duke thënë: “Unë dëgjoj shumë Covfefe”.

Pronari i fjalës Covfefe

Askush nuk e di me tamam se çfarë do të thotë shprehja “covfefe”. Me gjasë as vet “zbuluesi” i tij, presidenti amerikan Donald Trump që tani e përdor përherë të dytë.

Pas fitores së zgjedhjeve ai tha: “Përkundër raportimeve vazhdimisht negative të shtypit. covfefe”. Ai e kishte shkruar këtë fjalë në fund të fjalisë në tëeeter dhe e gjithë bota mediale pastaj është marrë, herë seriozisht e herë me humor, me shpjegimin e kësaj fjale misterioze.
Pronari i kësaj fjale është tetovari Shpëtim Shaqiri, i cili jeton në Valis të Zvicrës. Kjo shprehje u bë shumë e njohur në mbarë botën, edhe pse askush nuk ia di kuptimin e vërtetë.

“Fjala e përdorur nga presidenti Donald Trump ka qenë sigurisht një kod sekret i Pentagonit. Besoj se presidenti amerikan e përdori pa qëllim këtë fjalë. I besoj korrektorit smartphone, i cili në vend të fjalës ‘Coverage’, ia këshilloi emrin e incizuar Covfefe”, u shpreh për albinfo.ch Shpëtim Shaqiri, i cili këtë shprehje e ka kthyer në një markë.

Si një person që e njeh mirë ekonominë, Shpëtimi duke e kuptuar se sa e famshme është bërë në gjithë botën kjo fjalë, menjëherë ka aplikuar për ta përvetësuar.

“Është diçka e pashpjegueshme. Jam shumë i lumtur. Sot marka “Covfefe” është e njohur pothuajse sa Red Bull”, pohonte ai për albinfo.ch.

Përdorimi për herë të dytë i fjalës Covfefe, bile me zë, nga presidenti amerikan Donald Trump, me siguri i sjell më shumë kërkesa Shpëtim Shaqirit, i cili bleu të drejtën e përdorimit të kësaj fjale me 900 franga.