Lajme
Universiteti i Luganos dhe i Prizrenit, së shpejti me marrëveshje bashkëpunimi
Lucio Tonello, shef i shkencave bio-matematikore në Universitetin e Luganos, tha se ekziston gatishmëria për të lidhur bashkëpunim me Universitetin “Ukshin Hoti” në Prizren
Një delegacion i Universitetit të Luganos në Zvicër kanë shprehur gatishmëri për të bashkëpunuar ngushtë me Universitetin “Ukshin Hoti” në Prizren. Ky delegacion, në përbërje profesor Lucio Tonello, shef i shkencave bio-matematikore dhe profesor Glanda Cappello janë pritur nga rektori i Universitetit në Prizren, Ramë Vataj.
Temë bosht e takimit ishte vendosja e bashkëpunimit mes të dy universiteteve dhe definimi i fushave përkatëse ku mund të bashkëpunohet, thuhet në një njoftim për media, transmeton Albinfo.Ch.
Rektori Vataj i njoftoi mysafirët nga Universiteti i Luganos për të arriturat dhe sfidat e Universitetit të Prizrenit dhe theksoi se ekzistojnë fushat e interesit të përbashkët ku mund të fillojnë bashkëpunimin, mundësia e shkëmbimit të studentëve, profesorëve dhe përvojave.
Tonello, shef i shkencave bio-matematikore në këtë universitet tha se ekziston gatishmëri për të lidhur bashkëpunim mes të dy universiteteve.
Delegacioni nga ky Universitet është takuar edhe me ushtruesin e detyrës së dekanit të Fakultetit të Ekonomisë, Isuf Lushi, i cili është shprehur i gatshëm të bashkëpunoj në të gjitha aspektet dhe fushat e interesit të përbashkët.
Në një të ardhme të afërt rektori Vataj do të vizitoj Universitetin e Luganos me ftesë të tyre ku do të nënshkruhet marrëveshje për bashkëpunim në fushat akademike.
Të tjera nga Lajme
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?