Lajme

Vardar-Fenerbahçe, çmime marramendëse të biletave

Çmimi më i lirë është 2000 denarë (32 euro), i mesmi 2500 denarë (40 euro) dhe çmimi më i shtrenjtë është 3000 denarë (49 euro)

Klubi i Futbollit nga Shkupi “Vardar” ka publikuar sot çmimet për ndeshjen e vlefshme për Ligën e Evropë që do të luhet në Shkup ku kampioni i Maqedonisë do të përballet me gjigantin turk, Fenerbahçe. Ajo që vërehet është çmimi i lartë i biletave hyrëse për tifozët që duan ta ndjekin këtë lojë, raportojnë mediet nga Maqedonia.

Çmimi më i lirë është 2000 denarë (32 euro), i mesmi 2500 denarë (40 euro) dhe çmimi më i shtrenjtë është 3000 denarë (49 euro), raporton Alsatm.

Nga Klubi i Futbollit “Vardar” thonë se do të ketë ulje çmimesh për tifozët e regjistruar të ekipit të cilët do të tregojnë kartelën e anëtarësisë dhe do të marrin 50 për qind zbritje për të gjithë biletat, shkruan Telegrafi Maqedoni. Biletat do të shiten nga dita e nesërme (e mërkurë, 09.08) në disa vende të caktuara nga klubi.

Ndryshe, bileta hyrëse për finalen e Super-kupës Evropiane ku përballen Real Madrid dhe Manchester United, do të kushtoj prej 900 denarë (15 euro) e lartë. Ndërsa në tregun e zi, një biletë për ata që duan ta shohin Live CR7 (Christiano Ronaldon), shitën deri 300 euro. Madje nga interesimi i madh i shikueseve ka nxituar edhe shitës të biletave false. Një shitës i tillë është arrestuar dje në Shkup.

KUJDES ! TEKSTI YNË I KOPJUAR DO TË DENONCOHET DHE RAPORTOHET. PËRPOS NËSE...

Ju keni të drejtë ta riprodhoni tekstin tonë, por me kusht që ta citoni burimin e albinfo.ch dhe kur ta publikoni shkrimin, ta integroni linkun e artikullit siç vijon: http://www.albinfo.ch/vardar-fenerbahce-cmime-marramendese-te-biletave/

Në të kundërtën, ne do të raportojmë pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin. Redaksia e albinfo.ch.