Jeta në Zvicër
Vaud: Arrestohen dy të dyshuar si terroristë
Një burrë dhe një grua u arrestuan të shtunën në dalje të një parkingu në Aubonne. Ministria Publike e Konfederatës raporton se kjo ishte një përgjigje kundër terrorizmit.
Një përpjekje kundër terrorizmit nga ana e policisë federale dhe policisë kantonale të Vaud-it është zhvilluar të shtunën rreth orës 15:00, në parkingun e një kompleksi të tregut në Aubonne (VD). Me këtë rast është arrestuar një burrë, bashkë me gruan e tij të mbuluar, ndërsa ishin në makinën e tyre.
“Të pandehurit janë akuzuar për shkelje të ligjit federal, i cili ndalon grupet e “Al Qaeda-s”, të “Shtetit islamik” dhe të organizatave të lidhura me këta të fundit. Ata janë të akuzuar gjithashtu se kanë përkrahur, përkatësisht kanë marrë pjesë në një organizatë kriminale”, ka bërë të ditur të hënën Linda von Burg, zëdhënëse e Ministrisë Publike të Konfederatës (MPC).
“Kam parë të paktën pesë burra të armatosur dhe të veshur me maska pranë tregut. Fillimisht mendoja se po bëhej një grabitje. Ishte situatë e frikshme! Pastaj dëgjova një prej tyre duke bërtitur: “Policia”. Polici e kishte drejtuar armën e tij drejt gruas të mbuluar, e cila ishte në vendin e pasagjerit me një fëmijë në prehrin e saj. Automjeti kishte targat e kantonit të Vaud-it. Kështu e përshkruan ngjarjen, një kalorës nga shumë të tjerë, të cilët morën pjesë në këtë arrestim të pazakontë.
MPC ka bërë të ditur se “tre terroristë të dyshuar janë arrestuar më 23 dhe 24 qershor”. Kjo sugjeron se arrestimi i së shtunës i ka paraprirë një tjetri, një ditë më parë.
Ka një duzinë ditësh, një baba tunizian është arrestuar po ashtu në Meyrin (GE) për “mbështetjen apo pjesëmarrje në një organizatë kriminale”. Sipas gazetës frankofone “Le Temps”, ky njeri është “përgjegjës i rekrutimit të xhihadistëve dhe është i dyshuar se ka dërguar banorë të Gjenevës në Siri dhe në Irak”.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Aeroporti i Bazelit evakuohet për arsye sigurie Euroaeroporti pranë Bazelit u mbyll mbrëmjen e së mërkurës. Terminali u evakuua...
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?
-
Zvicër: Dy trena janë bllokuar në tunelin midis dy stacioneve
-
Zvicër: Ndërrimi i motit shqetëson bletarët