Shkurt.ch
Viti 2017 në Zvicër, më i ngrohti i viteve të fundit
Temperatura më e lartë e vitit është regjistruar në fillim të muajit gusht në Sitten (Sion) të Kantonit Valis, kur ajo është ngritur në 36.9 gradë
Viti 2017 në Zvicër ka qenë më i ngrohtë se mesatarja, në të katër stinët. Dhe kjo, duke filluar nga janari, kur temperaturat në veri të Alpeve kanë qenë 1.6 gradë më larta se në një mesatare e llogaritur e shumë viteve pararendëse, shkruan SRF METEO.
Por nuk ka qenë vetëm ngrohtësia e përgjithshme më e lartë që e ka shënuar vitin që po shkon, transmeton albinfo.ch. Sepse, muaji janar megjithatë ka qenë më i ftohti në 30 vitet e fundit (mesatarja e gjithë Zvicrës: në jug dhe në veri të Alpeve). Ndërsa pranvera dhe vera kanë qenë në vendin e tretë për nga ngrohtësia që nga koha kur kanë filluar të maten temperaturat në Zvicër.
Temperatura më e lartë e vitit është regjistruar në fillim të muajit gusht në Sitten (Sion) të Kantonit Valis, kur ajo është ngritur në 36.9 gradë. Ndërsa temperatura më e ulët, minus 29.9 gradë celsius është shënuar në La Brevine. Ky fshat identifikohet si “Siberia e Zvicrës” dhe gjendet në Kantonin Neuchatel, në regjionin Jura, shkruan albinfo.ch. Bëhet fjalë për temperaturën më të ulët të regjistruar në një vend të banuar.
Ndërsa ngricat që kanë mbretëruar gjatë muajit prill kanë qenë më të pazakonshme. Kështu, në regjionet e Zvicrës qendrore, më 20 prill kishte rënë temperatura në minus 4 gradë.
Siç ndodh zakonisht, më së shumti orë me diell ka pasur në Kantonin Tiçino, që ndryshe quhet edhe “ballkoni diellor i Zvicrës”. Në dy qytete të këtij kantoni, në Lugano dhe në Locarno sipas SRF Meteo është regjistruar numër i ngjashëm i orëve me diell sikur në vitin 2003. E, vera e vitit 2003 deri tash identifikohet si një verë jashtëzakonisht e ngrohtë, ose më e ngrohta qëkur regjistrohen temperaturat.
E-Diaspora
-
Bashkëpunim mes studentëve të Universitetit të Lucernit dhe atyre nga Maqedonia Sot u shënua fillimi i javës së dytë përforcuese në Shtip mes studentëve nga Universiteti i...
-
Bashkëpunim mes Kosovës dhe Suedisë në fushën e teknologjisë
-
Gjykimi i shqiptarit për vrasjen e dyfishtë në Bazel, nën masa të forta sigurie
-
Dikur i mbylli, LDK tani me prioritet riaktivizon nëndegët në mërgatë
-
Shoqata ‘Smira” mbledh bashkatdhetarët në Gjenevë
Jeta në Zvicër
-
Lojë shpërblyese: Fitoni bileta për të shikuar njërin nga 27 filmat në Kino Kosova Platforma mediale albinfo.ch është partner medial i edicionit të katërt të Kino Kosova...
-
Shkurtimet për financimin e arsimit dhe kërkimit në Zvicër ngjallin shqetësime
-
Mjekët milionerë në Zvicër
-
I dënuari për vrasjen e dyfishtë në Bazel: Nuk e dija se armët ishin të vërteta!
-
Miliarderi zviceran jep 243 milionë dollarë për demokratët amerikanë, “çmenden” republikanët