Sporti

Vukshinaj dhe Shala fitojnë meçet kryesore

Këto duele janë zhvilluar në këtë kohë, pikërisht për shkak të ardhjes së mërgimtarëve në vendlindjen e tyre

Në mbrëmjen e boksit në palestrën ‘Karagaçi’ të Pejës ishin mbledhur 2500 shikues, ku u zhvillua një mbrëmje e mirë boksi, derisa duelet kryesore ishin Vukshinaj vs. Masamba dhe Shala vs. Chiotcha.

Faton Vukshinaj e kishte një kundërshtar mjaft të papërshtatshëm, por arriti që ta nokautoj në raundin e dytë, megjithatë Masamba e vazhdoi luftën, madje ishte i rrezikshëm në çdo sekondë.

Vukshinaj e rrëzoi kundërshtarin edhe tri hera tjera dhe më në fund në raudin e gjashtë doli fitues. Kjo ishte fitorja e katërt për Vukshinaj i cili e synon majën e botës në kategorinë e mesme 72 kg, raporton “AlbanianBoxing.com”.

Në duelin kryesor të mbrëmjes luftuan Shala vs. Chiotcha, ky ishte një duel i përcaktuar për tetë raunde dhe shkoi në kohën e plotë. Shpëtim Shala e kishte përballë një kundërshtar të papërshtatshëm, përcjell albinfo.ch.

Ky duel kishte momente kritike si nga ana e Chiotcha, ashtu edhe nga ana e boksierit vendas Shala, gjë që nuk u prit mirë nga shikuesit e pranishëm, të cilët kishin dëshirë ta shohin boksierin e tyre duke shkëlqyer.

Shpëtim Shala fitoi me pikë, derisa boksieri kundërshtar u tregua jokorrekt në disa raste.

Kjo ishte fitorja numër 22 e pejanit Shpëtim Shala, i cili që nga viti 2010 ka boksuar disa herë në vendlindjen e tij në Pejë.

KUJDES ! TEKSTI YNË I KOPJUAR DO TË DENONCOHET DHE RAPORTOHET. PËRPOS NËSE...

Ju keni të drejtë ta riprodhoni tekstin tonë, por me kusht që ta citoni burimin e albinfo.ch dhe kur ta publikoni shkrimin, ta integroni linkun e artikullit siç vijon: http://www.albinfo.ch/vukshinaj-dhe-shala-fitojne-mecet-kryesore/

Në të kundërtën, ne do të raportojmë pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin. Redaksia e albinfo.ch.