Kosova
VV-ja e LDK-ja kundërshtojnë vendimin e Presidentit për anëtarët e KQZ-së
Lëvizja Vetëvendosje akuzon presidentin Hashim Thaçi për shkelje kushtetuese, duke ftuar vetëm një anëtar të këtij subjekti politik për t’u betuar si anëtar në KQZ e jo dy, sa u takon me kushtetutë e me ligj.
“Hashim Thaçi nuk mund ta përdorë zyrën e presidentit për t’ia mohuar opozitës të drejtën që ia kanë dhënë votuesit e nuk mund t’ia zgjerojë përfaqësimin PDK-së,” ka thënë deputetja Albulena Haxhiu.
Ajo ka paralajmëruar që bashkë me LDK-në tashmë po koordinojnë veprimet dhe brenda pak ditëve do të tregojnë për format e kundërshtimit që do t’i kenë si opozitë ndaj këtij vendimi të presidentit.
Vetëvendosje ka dërguar dy emra për anëtarë të KQZ-së, por presidenca e ka ftuar për betim vetëm Nazlije Balajn.
Ndërkohë, ditë më parë, vetë presidenti Thaçi i është drejtuar me kërkesë Gjykatës Kushtetuese për të marrë interpretimin në lidhje me numrin e nominimeve, që ka të drejtë ta bëjë secili prej subjekteve politike me shumicë shqiptare, por përgjigje nuk do të marrë shpejt, meqë edhe vetë Kushtetuesja ka humbur kuorumin dhe nuk mund të marrë vendime derisa Kuvendi t’i zgjedhë gjyqtarët e rinj.
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe