Kulturë

alban pengili_0

Alban Pengili

Violinist

Alban Pengili, violinisti shqiptar që po paraqitet me sukses në skenën muzikore gjermane, do të ketë prezantimin e tij të radhës më 25 shtator  në Bochum. Në repertorin e mjeshtrit do të jetë “24 Capricci” për violinë solo e Paganinit.

Vepra  e përmendur njihet si njëra ndër më të vështirat dhe më sfidueset për violinistët kudo në botë.

Alban Pengili është i lindur në në vitin 1972 në Tiranë ku ka marrë mësimet e para të muzikës. Në vitin 1992 ai ka filluar studimet në Folkwang-Hochshule në Esen të Gjermanisë. Këtu ai ka mbaruar masterin në muzikën e dhomës  (kamertale). Ka marrë një sërë çmimesh kombëtare dhe ndërkombëtare për ekzekutimin e tij virtuoz me violinë.

Pengili,  është i përkushtuar shumë arsimimit muzikor të brezit të ri. Shumë nga nxënësit e tij në Gjermani janë dalluar dhe vlerësuar me çmime të larta në nivel vendi dhe në botë.

Më 4 tetor Pengili do të japë koncert në Shqipëri, në Fakultetin e Arteve në kuadrin e “Ditëve Gjermane” që i kushtohen Festës Nacionale të bashkimit të Gjermanisë, 3 tetorit.

 

 Biografi e shkurt

  • Emri MbiemriAlban Pengili
  • Prejardhja:Tiranë-Shqipëri
  • Vendi ku vepron:Dortmund-Gjermani
  • Profesioni:Violinist
  • Kontakti www.albanpengili.de