Sporti

Xhaka nuk refuzon Shqipërinë: Gjithmonë kuqezi

Xhaka ka thënë se është përherë i gatshëm që të luajë për kombëtaren kuqezi dhe se nuk e ka menduar kurrë dy herë vendimin e tij

Taulant Xhaka, mesfushori i kombëtares shqiptare të futbollit, thotë se nuk ka refuzuar një takim me përzgjedhësin e ri Christian Panucci.

Pas përplasjeve që kishte me ish-përzgjedhësin Gianni De Biasi, u raportua se Xhaka ka refuzuar takimin edhe me përzgjedhësin e ri, por një gjë e tillë është mohuar nga ylli i Baselit.

“Gjithçka që sot shkruhet në media nuk është aspak e vërtetë. Unë nuk dua të merrem me detaje, por dua të them hapur publikisht, që me trajnerin Mister Panucci kam pas kontakte pozitive”, ka shkruar ai në një postim në Facebook.

Xhaka ka thënë se është përherë i gatshëm që të luajë për kombëtaren kuqezi dhe se nuk ka menduar kurrë dy herë vendimin e tij.

“Unë Taulant XHAKA jam gati edhe do jem gjithmonë gati për kombëtaren kuqezi. Unë do jem gjithmonë i gatshëm për kombëtaren. Në çdo kohë do jem aty dhe kurrë nuk e kam menduar dy herë këtë vendim. Jam krenar që përfaqësoj kombëtaren kuqezi”, ka shtuar më tej Xhaka.

 

KUJDES ! TEKSTI YNË I KOPJUAR DO TË DENONCOHET DHE RAPORTOHET. PËRPOS NËSE...

Ju keni të drejtë ta riprodhoni tekstin tonë, por me kusht që ta citoni burimin e albinfo.ch dhe kur ta publikoni shkrimin, ta integroni linkun e artikullit siç vijon: http://www.albinfo.ch/xhaka-nuk-refuzon-shqiperine-gjithmone-kuqezi/

Në të kundërtën, ne do të raportojmë pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin. Redaksia e albinfo.ch.