Sporti

Xhaka rikthehet në Kombëtare

Trajneri i ri i Kombëtares shqiptare, Christian Panucci ka nisur misionin që të rikthejë në Kombëtare Xhakën, i cili ishte i përjashtuar nga tashmë ish-trajneri, Gianni De Biasi

Mesfushori shqiptar, Taulant Xhaka pritet të rikthehet në Kombëtaren shqiptare, bëjnë të ditura mediat shqiptare, përcjell albinfo.ch.

 

Trajneri i ri i Kombëtares shqiptare, Christian Panucci ka nisur misionin që të rikthejë në Kombëtare Xhakën, i cili ishte i përjashtuar nga tashmë ish-trajneri, Gianni De Biasi.

 

Panucci ka qenë i pranishëm në shkallët e stadiumit “St.Jakob Park” për të ndjekur nga afër Taulant Xhakën, me të cilin është takuar dhe ka patur një bisedë për rikthimin e tij në kombëtare.

 

Megjithëse nuk ishte titullar në këtë ndeshje të Baselit ndaj Luzernit, Panucci është njohur më së miri me aftësitë e Xhakës dhe rolin e tij të rëndësishëm në skuadër dhe menjëherë ka udhëtuar drejt Zvicrës për ta njohur nga afër mesfushorin 26-vjeçar.

 

Ndërrimi i trajnerit në kombëtare është dhe një mundësi e re edhe për Xhakën, i cili gjatë ndeshjeve të muajit qershor u la jashtë liste në formë ndëshkimi për largimin nga kombëtarja.

KUJDES ! TEKSTI YNË I KOPJUAR DO TË DENONCOHET DHE RAPORTOHET. PËRPOS NËSE...

Ju keni të drejtë ta riprodhoni tekstin tonë, por me kusht që ta citoni burimin e albinfo.ch dhe kur ta publikoni shkrimin, ta integroni linkun e artikullit siç vijon: http://www.albinfo.ch/xhaka-rikthehet-ne-kombetare/

Në të kundërtën, ne do të raportojmë pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin. Redaksia e albinfo.ch.